--- Maling tao - - -
Habang naglalakad lakad sila Tasyo at Reyn sa gubat -- biglang may tumakbo na maliit na baboy ramo sa kanilang dinadaanan. Napatalon si Tasyo kay Reyn dahil sa gulat. Para silang bagong kasal ng mga sandaling 'yon. Tawa ng tawa si Reyn sa nangyari kay Tasyo, habang si Tasyo naman ay hiyang-hiya sa sarili at sa kaibigan. Ang lakas niyang mang-asar tapos sa maliit na baboy ramo lang natatakot siya.
Malapit na magdilim ng mga oras na 'yon. Kaya nagyayaya na si Reyn na umuwi na dahil sa lamig ng ihip ng hangin at bilog na bilog pa ang buwan. Sinabi rin nito sa kaibigan na baka mamaya ay totoo ngang may pumapatay sa gubat. At pagkatapos niyang sabihin 'yon ay nagtayuan ang kan'yang balahibo sa katawan. Kinikilabutan na ang kaibigan ni Tasyo na si Reyn. Pero hindi pumayag
