AGAD ko siyang tinulak palayo sa akin. Narinig ko siyang ngumisi habang sinusubukang tumayo nang matuwid at mapupungay ang mga matang tumingin sa akin . Kunot noo ko siyang tiningnan, lasing na lasing siya. Kahit madilim, kitang kita ko ang pamumula ng kanyang mukha.
Sinara ko nang mahigpit ang aking kamao upang pigilan na sampalin siya. Nanggigigil akong sampalin siya pero pinipigilan ko ang aking sarili. Hindi ako pwedeng pumutok dito, iipunin ko ang sama ng loob ko, at kung may matindi siyang gagawin sa akin ay doon ko ibubuhos lahat.
“Why are you here? Akala ko ba may gagawin ka ngayon?” tanong ko. Abot tenga siyang ngumiti habang nakapikit ang mga mata. Para siyang baliw.
“Sa wakas,” inangat niya ang kanyang kamay sa ere. “Nanakawan din ng halik,” Patuloy niya, hindi man lang sina
