“AW aw aw!” hindi ‘yon aso, si Iggy ‘yon. Nilalagyan ng betadine ang kanyang gasgas na natamo niya sa noo ng isang nurse. “Careful, miss beautiful…” aniya sa nurse. Humagikhik naman ang nurse at parang nagustuhan ang sinabi ni Iggy. Sigurado akong hindi lang siya ang sinabihan ni Iggy ng ganoon.
Umirap ako at napatingin na lang sa doctor na sumusuri sa akin. Kakatapos lang malagyan ng bandage ang aking balikat. So far, wala namang malubhang nangyari sa aming dalawa, sadyang nag-o-overreacting lang siya dahil maganda ang Nurse na umaasikaso sa kanya.
Parang hindi naman siya namomroblema nang pumasok ang pulis kanina at inimbestiga ang nangyari. Mawawalan siya ng lisensya pero aniya’y pera lang ang katapat ng mga ‘yon. Napailing na lamang ako dahil sa lakas ng loob niya. Ganyan ang nagagaw
