[Anastasia's POV]
Ito ang unang beses na mas nanaisin kong magpagod ng limang araw para gumala kesa manatili sa isang kwarto kasama ang isang Lexus Fierro. Nakakrus na ang mga braso ko habang hinihintay siyang lumabas ng shower dahil inabot na yata ito ng lampas trenta minuto ngunit wala man lang akong naririnig na ingay mula sa kinaroroonan niya.
Ano bang ginagawa niya sa loob? Humihinga pa ba siya o bigla nalang itong hinimatay dahil sa pagkahulog niya sa kama kanina?
Nakakaloka at nakakakaba dahil masyado pa namang malakas ang pagkakahulog nito, at mukha pa niya ang unang tumama sa cushion.
Nakakapagtaka din dahil hindi man lang nito ininda ang nangyari at parang tuwang-tuwa pa itong nahulog siya dahil sa pagiging tulog mantika. Kung ano-ano pang lumalabas sa bibig nito na hindi nam
