BIANCA
Sa wakas ay nakauwi na si Sheng ng bansa. Tuwang-tuwa siya nang bigyan ko siya ng complementary three-day free stay sa bagong tayong hotel branch namin sa Pasay.
Laking tuwa ng best friend ko dahil malapit lang ang hotel sa airport. Tamang-tama raw para sa kanya, dahil sinundo pala siya ng fiancée niya at mag-stay pansamantala dito sa Maynila ng ilang araw para mamili ng mga gagamitin sa nalalapit na kasal.
Friday ngayon at pinuntahan ko sa hotel si Sheng para personal na makilala ko rin ang mapapangasawa ng kaibigan ko.
"Bessy!" Dumadagundong ang malakas na tili ng kaibigan ko nang makita ako.
Ang babaeng ito talaga, mag-aasawa na, pero hindi pa rin nagbabago. Kung makatili ay akala mo ay kami lang ang tao dito sa labas ng hotel.
Isang mahigpit na yakap ang natanggap ko mula
