MATEO MONTENEGRO
Tahimik ang paligid nang magmulat ako ng mga mata at tingnan ang relong suot ko sa braso. Almost one o'clock na pala ng madaling araw nang magising ako. Malayo na rin ang itinakbo ng bus na sinakyan namin, pero hindi ko alam kung nasaang lugar na kami.
Sinulyapan ko ang katabi ko at mukhang mahimbing na ang tulog ni Bianca habang yakap ang maliit na unan. Lihim na naiinggit tuloy ako sa bagay na yakap-yakap niya, dahil mas gusto kong ako ang yakapin ng babaeng katabi ko.
"Sana naging unan na lang ako," naiinggit na hiling ng isipan ko habang nakatingin kay Bianca at pinagmamasdan siya.
Napailing na lang ako dahil kung ano-ano ang pumasok sa utak ko. Malaya kong pinagmasdan ang magandang mukha ni Bianca habang mahimbing siyang natutulog, pero nangangati ang mga kamay k
