"Mabuti at pinayagan ka ng Papa mo na puntahan ako rito at magbakasyon sa amin. Hindi ba, grounded ka ulit?"
Ngumuso si Wilma. "Tumakas ako."
"Loka ka. Lalo kang mapapagalitan ni Tito niyan." Napailing ako. "Nagpaalam ka na lang sana nang maayos."
"Hindi ako papayagan ni Papa. Alam mo naman 'yon."
"Kailan mo ba planong mag-train sa company n'yo? Kaya ka hinihigpitan ni Tito eh." Kinabig ko ang manibela pakanan sa secondary road patungo sa kabisera. Halos alas syete na ng gabi kaya naisip kong mag-dinner na muna kami bago ko siya ipasyal.
"May maganda bang pasyalan dito sa gabi?" pagbabago ni Wilma ng usapan.
Madiskarte talag
