✿♡ TATE DE LUNA ♡✿
My love, Glenn.
Dati, hindi ako naniniwala sa kasabihan na maliit lang ang mundo.
Oo. Alam kong ilang beses mo na ‘yon sinabi sa akin noon. Sabi mo, ang liit ng mundo dahil natagpuan mo ako agad na siyang gusto mong makasama hanggang sa pagtanda mo. Pero hindi ako naniwala. Kasi para sa ‘kin, hindi maliit ang mundo. Sobrang laki nito. Sobrang lawak.
Pero simula noong pumunta ako sa Pares House hanggang sa makita ko ang pangalan sa calling card ni Xyrus, doon ko biglang napatunayan na, oo. Tama ka, love. Maliit nga ang mundo. Sobrang liit. Sobrang kipot.
Sino ba ang mag-aakala na ma-me-meet ko ang kapatid mo na hindi mo nagawang ipakilala sa akin noon? Sino’ng mag-aakala na hahatiin niya ang pagkain niya para may makain ako? Sino’ng mag-aakala na tatabihan niya ako
