✧XYRUS GLEO MENDEZ✧
“Prof Mendez, let’s go. Sabay ka na sa ‘min sa food court,” yaya sa ‘kin ni Prof. Ben.
Break time na kasi. Ang ibang mga kasama naming professors ay nauna nang lumabas sa faculty. Kami na lang ang narito at ang asawa niyang si Prof. Anna.
Bahagya akong ngumiti. “Mauna na kayo, Prof. Susunod ako.”
Napangisi siya at mukhang alam na niya ang ibig ko na naman sabihin. “Susunod means, susundan mo ang asawa mo. Okay. Gets.” Saka niya natatawang binuksan ang pinto para paunahing makalabas ang misis niya na bahagya rin nakangisi sa akin. Si Prof Anna.
Wala pa rin silang idea sa totoong sitwasyon namin ni Tate. Ang alam pa rin nila, mag-asawa kami. Hindi ko alam kung paano sasabihin sa kanila ang totoo, at sa tingin ko ay hindi ko p’wedeng sabihin sa kanila ang totoo kahit
