✿♡ TATE DE LUNA ♡✿
Wife?
Napatitig ako kay Xyrus habang naglilipat-lipat ang tingin ni Anna sa aming dalawa. Nalilito siya. Naguguluhan. Ako rin naman.
Alam kong pati siya ay nagulat sa sinabi nito dahil ang alam niya ang single ako. ‘Yon kasi ang nilagay ko sa bio data ko na pina-fill up niya sa akin kanina lamang.
Oo. Ngayong araw lang ako nagsimula rito. I mean, kaninang umaga. Maaga akong gumising para muling maghanap ng mapapasukan dahil ayokong umasa sa ipapasuweldo sa akin ni Xyrus bilang pekeng asawa niya. Isa pa, sa dami ng pangangailangan ko dahil mag-aaral pa ako, kailangan ko talagang mag-part time pa bukod sa pagiging fake wife.
At dahil hindi ako makahanap ng trabaho sa Hadersfield Town, sinubukan kong lumabas sa city. Dito sa Talburn. At dito nga ako dinala ng mga pa
