KUYOM ang mga kamao ko habang pinakikinggan ko ang mga pinagsasabi ng babae. Hindi maganda ang tabas ang bibig nito. Ang sarap tamnan ng bala.
Hanggang sa marinig ko ulit magsalita ang babaeng akala mo'y reyna ng kalye. Para bang pagmamay-ari nito ang daan kung maka-asta ito.
“Sino bang Amo mo? Kasama mo ba siya? Bakit ayaw niyang magpakita sa akin upang siya ang magbayad ng kasalanan mo, ha?!” singhal ng babae sa tauhan.
NAPAHILAMOS naman ako sa aking mukha. Sa totoo lang ay inis na inis na ako. Dahil sa ginawa ng babaeng ito ay naabala ako ng husto.
Para akong sasabunging manok nang lumabas ng aking kotse. Pagkatapos ay nagmamadali akong lumapit sa dalawa.
“Miss Aria, ako na po ang makikipag-usap sa kanya---”
“Ako na ang bahala, Jose. Kanina pa ako pikang-pika sa babaeng ito, e
