TAHIMIK na pinagmasdan ni Nathaniel ang dalawa habang papalayo ang mga ito. Magkakilala at mukhang close ang dalawa sa napagmasdan niya kanina. Sino ba naman ang lalaking mag-aabang sa banyo at may bitbit pang gamit ng dalaga? He can smell something is goin’ on. At sa nakita niyang pag-uusap ng dalawa, mukha itong seryoso. Matagal na bang magkakilala ang dalawa? Pero hindi naman naikwento ni Marcus ang dalaga ni minsan. Kahit nga noong dumating ito sa kanilang paaralan wala ring nababanggit ang kaibigan na magkakilala silang dalawa ni KC. Weird.
O baka naman pinopormahan ni Marcus ang dalaga? Was this his way of sabotaging him? Maganda ito, sexy, matalino pa kaya hindi imposibleng magustuhan ito ng kaibigan. ‘Yun nga lang mataray ito at may pagka-amasona. Pero hindi nito tinarayan si Marc
