“What happened? Akala ko kung ano ng nangyari sa iyo at bigla kang nawala,” tanong ni Edgar kay Alonzo ng makarating sila sa Starbucks para mag – almusal. Ngayon yata niya nararamdaman ang epekto ng mahabang oras na nakahubad siya sa loob ng walk – in refrigerator. Masakit ang likod niya. Mabigat ang ulo niya na para siyang sisipunin at para siyang magkakasakit.
“It was an accident. Nakita kong pumasok si Emille kaya sinundan ko. Akala ko kung ano ang nandoon, accidentally I closed the door. Hindi ko naman alam na hindi na pala puwedeng buksan from the inside ang pinto,” sagot niya at napasinghot pa.
Napatango si Edgar. “Ah, yeah. Marami ng nabiktima ang ref na iyon kaya papalitan ko na. Baka isang araw may magkamali ma-freeze na lang doon ng hindi ko alam,” natatawang sagot ni
