“Did you hear something?” sabi ni Alonzo at tumingin sa paligid.
“Yah. Parang may nag – aaway,” sagot naman ni Edgar at huminto pa ito sa ginagawa.
“Baka may multo dito sa opisina mo?” natatawang biro ni Alonzo.
“Gago. Baka ‘yung mga bagong cook na naman. Hindi na nagkasundo – sundo ang mga ‘yun.”
Pero sigaw ng babae ang narinig nila na parang nag - hihisterikal. Sabay silang lumabas para tingnan kung anong nangyayari.
“Demonyo ka talaga, Jared! Umalis ka na dito!” iyon ang narinig nilang sigaw.
“Galing sa office ni Emille!” bulalas ni Edgar kaya mabilis nilang tinungo iyon.
Naabutan nilang naroon si Cindy na nakaupo at inaalalayan si Emille na nakasalampak at umiiyak sa lapag. Ang nobyo naman nito ay galit na galit na hinawakan sa braso si Emille at pilit na pinapatayo.
“
