Binilhan ko si Emil nang susuotin niya. Actually, three days na simula nang bilhin ko ‘yon sa isang designer boutique na paborito kong puntahan. Dahil kasingtangkad ni Emil ‘yong mannequin doong lalaki kaya sinabi ko na ganoon ang height at body built na gawing sukatan. Pinadeliver ko lang din dahil nga surprise. Pinaalis ko rin ano mang magpapakita ng presyo no’n kaya naman naiba ko ang presyo no’n nang sabihin kay Emil. Medyo allergy kasi ‘tong partner ko sa mamahalin.
“Bagay na bagay sa ‘yo.” Nginitian ko siya nang matapos ko ang pagbuhol sa kanyang necktie.
“May kaibahan ba ‘to sa mga sinusuot ko sa araw-araw?” tanong niya.
Sumimangot ako. “Siyempre naman ‘no! Marami kang bodyguard na makikitang gano’n ang suot. Ayoko magmukha kang bodyguard ko dahil nga partner kita ngayon. Gets?”
