Halos paliparin ni Dean ang sariling kotse nang makitang unti-unti ng nawawala sa paningin niya ang pulang kotse na sinasakyan ni Joanna. Hindi niya alam kung bumilis din ba ang takbo nito na parang nakahalatang sinusundan. O naging hyper lang ang utak ni Dean. Na sa sobrang atat niyang mahabol ang kotse nila Joanna ay halos banggain na niya ang mga sasakyang nasa unahan.
"Damn it! Damn it!" gigil na gigil na sinuntok ni Dean ang manibela nang may tumawid na malaking truck, at kinailangan niyang pansamantalang tumigil.
Panay ang habol niya ng tingin sa sasakyan nila ni Joanna. Parang gusto na niyang bumaba ng kotse at takbuhin na lang ang distansiya nila nang makitang tumigil din ito sa gas station.
At ang isip ni Dean, kung may pakpak lang siya, kanina pa siya lumipad. O kung sana, ma
