"Kanina ko pa napapansin na parang kilala ka ng halos lahat ng tao rito sa Balagtas," sabi ni Dean kay Joanna, pagkatapos itong batiin ng nakasalubong nilang ale.
Kakalabas lang ni Joanna ng bangko dahil nagdeposit daw ito ng pera. Dahil sandali lang naman kayaa hindi na sumama si Dean.
Pauwi na sana sila ng Hacienda Ramona dahil kaninang madaling araw pa tumigil ang ulan. Pero naisipan nilang dumaan muna ng palengke. At sa bawat tindahang pinagbilhan nila ay kapansin-pansing kilala ng mga ito si Joanna. Pati ang ilang nakakasalubong nila ay binabati rin ang dalaga.
May mga napansin din si Dean na mga lalaking wagas kung makatitig kay Joanna. Ang iba naman ay lantaran pa talagang bumabati na akala mo kilalang-kilala ang dalaga. Ni hindi man lang nasisindak sa matapang na tingin ni Dean.
