"B-Bernard, please... Huwag mo naman akong iwan dito. Hindi ko kaya." Luhaang pinigilan ni Joanna sa braso ang kaibigan. "Ikaw na nga lang ang kakampi ko rito sa Iloilo, eh. Kapag umalis ka pa, wala ng titingin o kahit dadalaw man lang dito sa'kin sa casa."
Mamumula rin ang mga matang hinawakan siya ni Bernard sa kamay. "Alam mo kung gaano ko kagustong kasama ka, Jo. Pero hindi ko kayang makita ka araw-araw na binababoy ng mga hayop na 'yan." Pigil ang galit na itinuro ni Bernard ang labas-masok na mga dayuhang customer ng Baskov Nightspot sa Ilolilo, kung saan dalawang taon ng sapilitang nagtatrabaho si Joanna bilang prostitute."Baka kasi 'pag hindi ko na kaya, baka makapatay na talaga ako. Baka mapatay ko pa ang sariling ama ko."
Sa kabila ng matinding galit ni Joanna sa Ninong Caloy n
