Napatulala siya ng bahagya at ilang sandali din na tumingin lamang sa lalaki. Maging kay Nanay Alona ay napatingin na lamang din siya.
Ang matanda naman ay parang nagtatanong na tumingin din sa amo nito.
"Anong ibig ninyong sabihin Sir?" takang tanong niya dito.
"Ano pa nga ba ang ibig sabihin ko? Sabi ko tanggap ka na at maaari ka ng magsimula ngayon." paglilinaw nito sa kanyang sinabi.
Automatikong napataas ang kilay ni Isabel habang nakatingin sa lalaki. Medyo may kaba sa kanyang dibdib dahil para bang may binabalak na masama ang lalaki.
Baka balak nito na gantihan siya pero ano nga ba ang magagawa ng isang baldadong katulad nito. Kapag hindi siya nakapagpigil dito baka patulan talaga niya ito. Kaya niya ang kanyang sarili, kaya wala naman siyang dapat na ikatakot.
Pero kung
