"Kumusta ang apo natin, balae? Aba'y himala naman at wala siyang nakabuntot sa iyo." Masayang sinalubong ni Ginoong Clarence ang kapwa niya may edad na biyanan ng anak nilang si Mariz Kaye.
"Mas masaya kayo ni balaeng MaCon kapag malaman ninyo kung saan nagtungo ang batang iyon, balae. Dinaanan nina Zurich at Xyviel kaninang umaga. Isinama nila ito sa rancho," maaliwalas ang mukha nitong tugon.
Sa tinuran nito ay mas naging maaliwalas ang mukha ng mag-asawang Clarence at MaCon. Dahil lahat naman sila ay umaasang magbago ang apo nilang Flying Dragon o si Sean Emerson. Kung sa pakikitungo sa mga tao ay walang problema. Subalit pagdating sa mga babae at kapwa teenager ay talagang galit na galit ito. Hindi lamang iyon, pinagtataguan pa nito ang mga gustong makipaglapit. Hindi pa makuntento,
