"Ha? Ano ang ibig mong sabihin, sweetheart?" maang na tanong ni Mariz Kaye sa asawa. Maliwanag naman ang pagkasabi nito ngunit ayaw lang tanggapin ng sarili niya ang narinig.
"Kahit ako ay halos ayaw kong paniwalaan, wifey. Ngunit ako mismo ang nakasaksi. Marunong nang gumamit ng baril si Kwanchai Kris. Tama, maaga ko silang sinanay sa martial arts. But they met beyond my expectations. Ang paglaban nila sa mga abductors ang patunay. Kahit si Luther ay hindi na basta-basta matatalo kapag walang gagamit ng armas," muli ay paliwanag ni Aaron Sud.
SA paliwanag ng asawa niya ay tuluyan siyang natahimik. Hindi niya alam kung ano ang iisipin sa pagkakataong iyon. Dahil aminin man niya o hindi ay talagang ayaw sumiksik sa kaniyang isipan. Lalo at sumang-ayon naman siya noong ikinunsulta nito ang
