Aries' POV
Kanina pa talaga ako naiinis sa lampungan ng dalawa. Kung hindi lang dahil sa dalawang bata ay baka sinugod ko na si Duke at sinuntok sa panga. Pero hindi ko iyon ginawa dahil isang napakalaking kasalanan ang manakit ng ibang tao nang walang dahilan. Nakaupo lang ako sa buhanginan. Natatawa din sa mga pamangkin kong masayang nagtatampisaw at tumatawa sa tubig. Minsan lang nila itong maranasan at babawiin ko na lang ang mga sinabi kong masisira ang bakasyon ko kapag kasama ko ang mga bata.
Mas nagugustuhan ko na ring kasama sila lalo pa at may isang baliw ding baliw na baliw sa akin. Hindi ko nga alam kung paano ako napadpad sa gitna ng dalawa. Ang naalala ko ay nakatulog ako ulit pero saglit lang dahil narinig kong may nag-uusap sa labas. Kaya sa halip na pilitin pa ulit ang s
