Chapter 31
"Ang gaganda ng mga bag na ‘to! Makabili nga!" palatak ni Jane habang panay ang buklat nito ng pahina sa iba't-ibang klase ng magazine.
Nasa school sila at kasalukuyang nakatambay sa garden ng eskwelahan. Iyong mga magazine dala nito. Adik kasi ito sa mga bags. Tapos kapag may natipuhan magpapasama ito sa kanyang bumili. Branded bags ang trip na trip nito pero wala siya sa mood makipili. Nabubwisit pa rin kasi siya kay Gino lalo na kapag naaalala niyang sinapak nito si Terrence. Isa pa iyon sa ikinalilito niya, eh! Bakit kailangan nitong gawin iyon? Kahit na ba hindi niya alam ang pinagmulan! Sana pinagsabihan na lang nito si Terrence? Hindi iyong nanapak na lang ito ng bigla! Parang tanga, eh.
"Hoy Lia! Ipili mo naman ako! Nakatunganga ka lang diyan, eh!" kulbit ni Jane sa k
