"You're kidding me right?!" halatang pikon na pikon na tanong ni Lia kay Gino matapos sabihin ng binata na titira sila sa iisang bubong. Sa bahay nito.
"Nope." maikling sagot ni Gino saka inilapag ang tasa ng kape sa center table.
"Ano ba’ng brand ng katol ang tinira mo at parang ang lakas ng tama?" dakdak ng dalaga.
"Pati ba katol hinihithit na rin ngayon? Akala ko rugby at drugs lang? Mga tao talaga wala ng hindi pinagkaadikan. Ginagawa mo ba ‘yon? Astig ka talaga." halatang nang-aasar na tanong nito sa kanya.
"Excuse me? Alam mo ang mabuti pa umalis ka na, okay? Ang tagal mong nawala! Tapos out of nowhere bigla ka na lang ulit susulpot sa harap ko para sabihing, titira ako sa’yo at makikipag-asaran ka pa na akala mo ba walang nangyari sa’tin six years ago!" halos sumabog na sa inis
