Chapter 27
Kalalabas lang ni Gino galing sa private office matapos niyang ilagay ang mga gamit niya doon saka siya pumasok ng kwarto para magpalit ng damit. Napatingin siya sa katapat na kwarto paglabas niya. Kadarating lang niya mula sa opisina, dapat nga gagabihin siya ng uwi pero tinapos na niya ang dapat tapusin para makauwi kaagad siya at may kasama si Lia.
"Lia..." katok niya sa pintuan ng kwarto nito.
"Gusto mo ng kumain? Sabi ni Linda kanina busog ka pa raw kaya baka trip mo ng kumain ngayon?" tanong pa niya ng walang sumagot mula sa pagkatok niya.
Sinubukan niyang pihitin ang doorknob pero nakalock iyon. Siguro nga tulog na ito, napagod siguro sa school kaya maagang nagpahinga. Napagpasiyahan na lang niyang bumaba na. Pero hindi pa siya nakakalapit sa hagdanan ng may matapakan
