Hindi ko nahihimigan sa kanya ang pagsusungit bagkos nilakihan niya pa ang pagbukas ng pintuan upang mas makita ko ang loob. Nasulyapan kong may pantalon sa malaking kama ni Deon at may damit ng babae roon na magkatabi pa. Wala na rin sa ayos ang bed sheets.
Mula sa labas naamoy ko ang pabango ni Deon na palagi kong naamoy sa kanya sa tuwing magkalapit kami, nuot talaga sa ilong ko ang amoy niya.
Lumapit ako konti sa kanya upang maamoy siya. Laking gulat ko nang maamoy ko sa kanyang katawan ang nakadikit na pabango ni Deon.
Huminga ako nang malalim. Mas kumalam ang sikmura ko nang may maisip akong hindi maganda. Nangingilid ang luha ko sa hindi ko malamang dahilan. Bigla ko na namang naramdaman ang paninikip ng dibdib.
Gusto kong suntukin ang dibdib ko ngayon. Naiinis ako dahil nakaram
