Kabado ako habang nasa labas ng pintuan ng kuwarto ni Deon. Alam ko namang walang malisya ito at kakausapin niya lang ako sa isang bagay na hindi ko alam kung ano iyon.
Patuloy na tumitibok ang puso ko. Pang-ilang beses akong huminga. Gusto kong gumaan ang pakiramdam ko upang makausap ko ng maayos si Deon.
Medyo natagalan pa nga ako sa pagpunta sa kuwarto niya dahil nagdadalawang isip ako kung susunod ba ako ako sa kanya o hindi?
Pero sa huli, namalayan ko ang sariling naglalakad sa hallway upang puntahan siya rito. Sinisiguro kong nakaalis na ang ibang mga Moonzarte at ang parents nila na si Rebecca at Florencio bago ako makarating sa kanyang kuwarto.
Nang masiguro kong wala na sila, dumiretso na ako rito. Pati si Roshana, wala na rin ngayon sa Mansyon dahil sumama sa parents niya ka
