Chapter 24
ALVIRA
“Handa ka na ba talaga sa desisyon mo Alvira? Hindi na ba magbabago ang isip mo at pasukin mo na ang mundo ng mga killer na katulad ko? Kailangan buo ang loob mo kapag pumasok ka sa BON,’’ wika sa akin ni Abegail.
“Halos isang taon at anim na buwan kong pinag-isipan ang bagay na iyan, Abegail. Sapat na ang mahabang panahon na iyon upang maging buo na ang desisyon ko,’’determinado kong wika kay Abegail.
“Subalit alam mo kung ano ang mangyayari kapag pumasok ka sa BON. Kailangan mo pang dumaan sa GTH. Magiging parausan ka ng mga iba’t ibang lalake. Hindi bali ako dahil binili na ako ng isang lalake. Kaya, hindi iba-ibang lalake ang nakakasiping ko. Iyon nga lang bawal tanggalin ang maskara natin dahil alam mo na ang mangyayari. Nasaksihan mo ang pagkamatay ng kasamahan
