Chapter 29
Alvira
Maaga kami nagtungo sa park ni Tita, upang ipasyal si Clyde. Kasalukuyan nasa park kami nang nakaramdam kami ng uhaw ni Tita. Sa sobrang pagmamadali namin hindi na kami nakapagbaon ng tubig, kaya bumili na lang ako at iniwan ko muna sina Tita sa park at naghanap ako kung saan ako puwede makabili.
Medyo natagalan pa ako dahil bumili rin ako ng ice cream para sa amin ni Tita. Nang pabalik na ako sa kinaroroonan ni Tita at Clyde, laking gulat ko nang makita ang impakto sa isang nakaparadang sasakyan. Kitang-kita ko kung paano niya pinatay ang taong iyon. Parang naistatwa ako sa aking kinakatayuan dahil ang impaktong iyon ang nag-ubos ng lakas ko noong nakaraang gabi. Hanggang ngayon hindi pa rin ako makapagsuot ng damit na hindi balot ang leeg ko dahil sa ginawa niyang ma
