Chapter 20
VITORIO
Mula rito sa tuktok ng billboard tanaw ko ang buong paligid. Lalo na ang private resort na inuupahan ni Sandro na pagdarausan niya ng engagement party nila ng girlfriend niya.
Isa-isa kong pinagmasdan ang paligid gamit ang celestron binocular telescope. Naka-ready na rin ang sniper na gagamitin ko kung ano man ang mangyari sa engagement party ni Sandro
Sunod-sunod na dumating ang mga bisita. Maraming security ang nakapaligid mula sa KOW. Alam ko na si Sandro ang nagpadala sa mga iyon dahil binalaan ko na siya na may banta sa buhay ng kaniyang ama. Natanaw ko na bumaba sa isang itim na sasakyan si Daddy at si Don Lucas.
Sa kanilang likuran naroon si Alessandro. Bumaba ito at pumasok na sila sa resort. Sumunod na dumating isang matikas na lalake na kahit matanda na m
