BUONG umaga akong nakiramdam kung anong oras aalis si Eric. Day-off ni Kuya Vener at gusto kong ibigay ang araw na iyon sa kaniya para makapahinga o anoman ang plano niyang gawin. Kaya ang balak ko ay hintaying makaalis si Eric tutal ay sinabi nitong may pupuntahan naman siya. Kapag nakalakad na siya ay saka ako maghahanda sa pag-alis. Magtataxi na lang ako papunta sa mall at nang hindi ko na maabala si Kuya Vener. Kahit abutin na ako ng hapon sa pagbili tutal ay gabing-gabi na naman kung umuwi si Eric.
Dumating si Nay Thelma bago mag-alas dose ng tanghali. Nagpunta siya sa kusina at naghanap ng gagawin pero, sinabihan kong magpahinga na lang siya. Tutal naman ay nakaluto na si Ate Tess ng pang-lunch. Nagprisinta na lang ako na mag-set ng dining table. Ang alam ko ay nasa study room nito
