NAKATUON ang paningin ko sa malumanay na agos ng tubig ng fountain sa hardin ng bahay ni Isaias nang maramdaman ko ang paglapit niya.
“What are you going to do now, Eric?” bungad niya.
Hindi ako agad sumagot. Tinungga ko ang natitirang alak sa aking baso. Pagkatapos ay ibinaba ko ang isa kong paa na nakaapak sa batong nasa paanan ng fountain at saka humarap kay Iyas.
Nagkibit ako ng balikat. “Honestly, hindi ko pa alam.”
Nadagdagan ang mga guhit sa noo niya dahil sa sagot ko. I know that I sound unreasonable. Ang tagal kong hinintay na makakuha ng mga ebidensiya pero, ngayong may mga hawak na ako, nahahati naman ang isip ko.
Marahang nagbuga ng hangin si Iyas at nilapitan ako. “You’re just too worried to decide what to do, Eric. But I’m telling you, sapat na ang ebidensiyang hawa
