فتاة تتحدى الجميع

الفصل السادس عشر

آدم بضيق : أوف منك أنا هاجي معاكي مش علشان خايف من تهديدك الأهبل دا بس علشان أنا مش بحب أشوف حد محتاج مساعدة وأسيبه

جوري بابتسامة : ماشي يلا قوم يا مفك وقوم رجالتك وتمشي معانا بأدب

آدم بضحك : مين مفك ده هههههه

مصطفىٰ بضيق : أنا....يلا قوم منك ليه

ذهبوا إلىٰ فيلا جوري وربطوهم ووضعوهم في غرفة وأغلقت جوري عليهم بالمفتاح

جوري : ها إيه بتبصلي كدا ليه

آدم ببرود : أنا شايف عربية بره منركبها وناخدهم القسم

جوري بتوتر وخوف من ردة فعله : إي.. أم.. أصل... أنا..

آدم : إنجزي

جوري بسرعة : العربية مفيهاش بنزين

آدم بضحك : بتهزري صح أنتِ بجد هههه طب سؤال معلش أنتِ واحدة زيك بتعمل إيه في فيلا وحدها ومعاها عربية بس مفيهاش بنزين وفي منطقة زي دي

جوري : بص أنا جوري وجيت هنا علشان أرتاح شوية والبواب أخد أجازة النهارده وأنا جاية من طريق سفر فطبيعي إن العربية ميكونش فيها بنزين

آدم بنفاذ صبر : طيب شوفي الشاحن علشان أمشي

ذهبت جوري لتبحث عن الشاحن وحاول مساعدتها آدم ولكنهم لم يجدوه

جوري : أووف طيب وبعدين

آدم : متنفخيش في وشي وبعدين وأنا إيش عرفني

جوري : طيب شكلنا هنضطر ننام وندور بكره في الصبح

آدم : أنتِ بتهزري أنتِ عايزاني أنام هنا

جوري بسخرية : أه سوري هو المكان مش قد المقام صح

آدم : مش قصدي بس أنا مش هبات مع بنت في بيت كبير ووحدنا

جوري : والعفاريت إللي جوا دول إيه خيال وبعدين متخفش مش هغريك ( وضحكت بسخرية )

آدم في نفسه : أنتِ بشكلك ده بتغريني أمال لو عايزة تغريني بجد كنتي هتعملي إيه فيا

آدم : طيب وريني الأوضة إللي هنام فيها

جوري : طيب تعالا ورايا

صعدوا إلىٰ الأعلىٰ ودخلوا احدىٰ الغرف

جوري بابتسامة مصتنعة : نام هنا أوضتي إللي جنبك بالظبط لو عوزت حاجة.....

آدم مقاطعًا : أقولك، حاضر تصبحي علىٰ خير

جوري : أكمل كلامي لو عوزت حاجة ياريت متزعجش نفسك وتقولي البيت قدامك وعيش حياتك بعيد عني

وذهبت وتركته في صدمته من كلامها وعادت بعد بضعة دقائق

جوري وهيَ تمد يدها بملابس : إتفضل

آدم بإستغراب : إيه ده

جوري : هدوم إيه هتنام بهدومك دي

آدم بضحك : دي هدوم بناتي يعني

جوري : لا ما تقلقش دي ولادي حطيتها بالغلط في الشنطه وأنا وبفضي الشنطه شفتها

آدم بصدمة : أنتِ متجوزة!!؟

جوري : لا طبعًة

آدم : طيب إزاي معاكي في دولابك هدوم ولادي إلا لو متجوزة

جوري : ملكش فيه بس هقولك علشان دماغك متروحش شمال دي هدوم أخويا وهو ليه هدوم كتيرة في دولابي وأنا كمان ليا هدوم عنده علشان أحيانًا أنا بنام عنده وهو كمان فهمت يلا تصبح علىٰ خير

ذهبت جوري وابتسم آدم من كلامها أنها غير متزوجة ولا يعرف السبب، نام الجميع واستيقظت جوري بعد بضعة ساعات ونزلت لتشرب ماء كانت ترتدي بيجامه بينك بكم ومرسوم عليها رسومات كرتونية وكانت ترتدي غطاء العين ولكنها رافعه إياه علىٰ شعرها لترىٰ.... دخلت جوري المطبخ وكانت ستُضيء النور ولكنها وجدت أحد يقف أمام الثلاجة ويشرب ماء ...رأت جوري زجاجة فارغة علىٰ الطاولة فأمسكتها وض*بت بها الرجل علىٰ رأسه... إلتفت ونظر لها ثم سقط علىٰ الأرض فاقدًا الوعي

جوري بصراخ : مين دا أنا حاسة إني أعرفه .... أحييييه أفتكرت دا آدم طب هعمل إيه هو مات

بدأت تهزه بقوة

جوري : اصحىٰ آدم آآآآدم

أمسكت جوري بزجاجة ماء من الثلاجة وسكبتها كاملة عليه فإنتفض آدم وقام

آدم : يا بنت المجنونة كنتي هتقتليني وبعدين حد يصحي حد كدا

جوري بضيق : يعني أنتَ كنت صاحي وبتستهبل

آدم بضحك : أيوة طبعًا كنت عايز أشوف رد فعلك لما تلاقيني واقع علىٰ الأرض أنا ظابط يعني أكيد مش هيغمىٰ عليا من خبطة قزازه صغيرة وبعدين ض*بتيني ليه أصلًا

جوري : هههههه تصدق تستاهل وأنا نسيت إن في حد قاعد معايا في البيت أصلًا

آدم بغيظ : طيب ملقتيش الشاحن

جوري : لا إحنا مش قولنا الصبح هندور عليه

آدم : طيب تمام أنا طالع أكمل نوم

في الصباح نزلت جوري وظلت تبحث عن الشاحن ولكنها لم تجده فأخذت اللاب وورق للت**يم وأقلام وجلست في الصالة لتعمل ... استيقظ آدم ووجدها جامعة شعرها بقلم وقلم خلف أذنها وآخر في فمها غير الذي في يدها وترسم به

آدم : إحم إحم

جوري بعد أن أخرجت القلم من فمها : نعم

آدم : نعم الله عليكي مش المفروض ندور علىٰ الشاحن

جوري : أه منا دورت ومش لقيته قلت أشتغل لحد ما تنزل ونشوف حل

آدم وهو يجلس على الكنبه : حد يشتغل كدا ضهرك هيوجعك من القعدة دي

جوري : أنا قولت لو اشتغلت في أوضة المكتب مش هعرف لما أنتَ تصحىٰ وفي نفس الوقت تغير

آدم : أمم طيب أنتِ مش المفروض جاية تستريحي ليه بتشتغلي

جوري : أنا جاية أستريح من الرجالة مش من الشغل

آدم بضحك : ومالهم الرجاله

جوري : اللهم طولك يا روح يابني أنا مش طايقه نفسي ولا حتىٰ هدومي فإتجنبني طول مأنتَ قاعد هنا، وبعدين عندي سؤال معلش واقف في زوري من إمبارح

آدم : إسمي إيه أنا آدم عبد الله

جوري : لا غيره

آدم : طيب قولي

جوري : هو أنتَ بجد تعرف حلمي صاحب شركة الأحلام ومتعرفش أنا مين

آدم بخبث : هو أنتِ حد مشهور للدرجة يعني

جوري بنفاذ صبر : لا خالص، أنا هروح أدور علىٰ الشاحن في العربية

آدم بابتسامة خبث: طيب إهدي أنا جاي معاكي

ذهبوا وظلت جوري تبحث حتىٰ وجدت البور بانك

جوري بفرحة : أخيرًا

خد إشحن فونك وكلم أي ظابط صاحبك يجي ياخدهم

بعد قليل ركبوا سيارة صقر (صديق آدم) والمجرمون ركبوا في سيارة الشرطة

آدم : أنتِ هتعملي إيه بعد ما تعملي البلاغ

جوري سرحانه :......

آدم وهو ينظر لها : جورري

جوري بتوهان : ها

آدم بابتسامة : هتعملي إيه بعد ما تعملي البلاغ هترفعي قضية ضد حلمي ده

جوري بخبث : لا

آدم باستغراب : إيه ؟ ليه؟

جوري : أنا لو رفعت عليه قضيه هيطلع منها بسهولة علشان مش معانا دليل يثبت إن هو إللي بعت دول فأنا هلعب معاه بطريقتي الخاصة

آدم : طب خلي بالك لحسن إللي بيلعب بالنار بيتلسع

جوري : مش أنا إللي بلعب بالنار هو إللي رمى نفسه في النار وهو عارف أنا لو عرفت ممكن أعمل فيه إيه بس براحته إللي يخليني أخلي شركة الأمير تبقىٰ علىٰ حافة الإفلاس هيَ وشركة الزفت آسر يبقىٰ مش هقدر علىٰ شركة حلمي

آدم بصدمة : إيه أنتِ خليتي شركة آسر والأمير علىٰ حافة الإفلاس ده أنا كنت هخليهم يبنولي فيلا

جوري : نعم! قصدك إيه بيبنولي ليه بتتكلم بصيغة الجمع

آدم : علشان همن إللي بنوا شركة أخويا وت**يمهم عجبني

جوري بصدمة : أنتَ قولت اسمك آدم إيه؟!!

آدم باستغراب : آدم عبد الله ليه بتسألي

جوري بسخرية : ههههه هو أنتَ تبقىٰ ابن أنكل عبد الله يالهوووي علىٰ الصدف

آدم : أنتِ تعرفي أبويا

جوري : أه مهو أنتَ متعرفش إني أنا صاحبة شركة الأمير أنا جوري الأمير

آدم بذهول وصوت عالي نسبيًا : نعممم!!

صقر : إهدىٰ مالك مصدوم كدا ليه

آدم بغباء : معلش بس هو أنتِ إزاي كنتي هتخلي شركتك تفلس إيه الهبل ده

جوري : حصلت مشاكل عائليه وفي الشركة، والعيلة اتهمتني إني السبب وأنا عقابًا ليهم سيبت البيت والشركة وفتحت شركتي الخاصة وفي خلال شهر خليت شركتهم علىٰ حافة الإفلاس ولو كنت عايزه أخليها تفلس فعلًا كنت عملت كده بس زي ما بيقولوا دي قرصة ودن صغيره

صقر بذهول : يالهوي ده أنتِ جامده في كل حاجة في الشكل والشغل أنتِ عندك كام سنة باين عليك 23-24 صغيرة يعني

جوري : أنا عندي 25 سنة مش صغيرة أوي يعني وبشتغل في الشركة من لما كان عندي 18 سنة فطبيعي أكون شاطرة

صقر : أوووه لا جامده جدًا

آدم بزعيق وغضب : متلم نفسك يا صقر شغال جامده جامده إيه ياخي متقوم تتجوزها أحسن

جوري بضحك : No Way إني أتجوز أصلًا

صقر بحزن مصتنع : ليه بس كدا ده أنا كنت لسه هفكر في فكرة آدم

آدم وهو يرفع حاجب ويخفض الآخر : نعم بتقول إيه

صقر بضحك : خلاص يا عم ولا حاجة

آدم : طيب وشركة آسر أنا كنت فاكر إنكم أصحاب

لسه هترد عليه ولكن قاطعها رنين هاتفها برقم مجهول

جوري : ألوو

آسر : جوري استني أوعي تقفلي أرجوكي إسمعيني

جوري بزعيق : أوووف قولتلك ميت مرة بطل تتصل بيا أنا زهقت ده الرقم ال8 إللي أحطه في البلاك لست

آسر : طيب إسمعيني ومش هتصل تاني بس إسمعيني الأول

جوري : ها عايز إيه إنجز مش فاضيالك يا آسر المفروض تحمد ربنا إني شفقت عليك ومخلتكش تفلس وسيبتك في حالك سيبني بقىٰ وإبعد علشان أنا زهقت مش عايزة أسمع صوتك ده تاني.... صوتك مزعج ياخي أنتَ إيه مبتحسش

كان آدم وصقر ينصتان بإنتباه وفضول إلىٰ المكالمة

آسر : جوري أنا بحبك ولما بعدتي عني حسيت بكده إديني فرصه أثبتلك ده

جوري بصراخ : مش هد*ك فرص أنتَ فاكرني هبله إللي بيتقرص من التعبان مره عمره ما هيغلط نفس الغلط تاني ويأمنله و أنا بكرهك يا سيدي إرتحت يعني ما تحلمش إننا نرجع صحاب حتىٰ مش حبايب غور في 60 داهيه بقىٰ

وأغلقت الخط ووضعت الرقم في البلاك لست

آدم : أنتِ كويسة

جوري بدأت تبكي ب**ت ولا تتحدث

صقر : آدم دي بتبكي

آدم بقلق : جوري أنا آسف إني سألت عنه أنتِ كويسه مش عايز أعرف إجابه السؤال بتاعي إنسي إني سألتك عنه أصلًا

جوري بعد أن مسحت دموعها : لا ليه عادي يعني... آسر ضحك عليا ومثل إنه بيحبني عشان لما نتجوز يقدر يستولي علىٰ أملاكي لأني دلوقتي أملك تقريبا 50 في الميه من أملاك عيلة الأمير دا غير أملاكي الخاصه وأنا إكتشفت كدبه بالصدفه وحصل إللي حصل أنا علىٰ فكرة مش ببكي عليه أنا ببكي علىٰ نفسي إني كنت غ*يه وملاحظتش كدبه

آدم : أي حد ممكن يضحك عليه كدا

جوري بسخرية : هههه أي حد غيري أنا...أنا بعرف الكداب من عينيه بس أنا إللي رفضت أستخدم قدراتي عليه

صقر بغباء : إزاي ده

جوري : أحيييه أنتَ متأكد إنك ظابط يلاه

ضحك صقر هو وآدم

جوري بابتسامة : عمومًا أنا قرأت كتب كتيره عن الكذب و إزاي أكشف الكداب وإتدربت في كريم ومازن وآسيا وأحمد وأنور يعني تقريبًا كل عيلتي إلا آسر

آدم : طيب وفيلتي مين هيعملها دلوقتي

جوري : أنا أموت وأفلس ولا إني أشتغل مع حد تاني فما بالك إن الحد دا يبقىٰ آسر

آدم : أه صح

صقر : وصلنا يلا إنزلوا

بعد مرور بضعة ساعات وجوري تجلس في مكتب صقر مع صقر وآدم

العسكري يخبط علىٰ الباب ويدخل بعد أن أذن له صقر

العسكري : في واحد اسمه وائل بيقول إنه تبع الآنسة جوري

جوري بفرحة : دخله بسرعة

دخل وائل وركضت جوري وحضنته وقام هو برفعها

جوري بفرحة : أخيرًا جيت إيه سنة كل ده تأخير

آدم بضيق في نفسه : ومالها بتحضنه كدا وملهوفة عليه .. مين دا

وائل : آسف يا قطتي......

*بقلمي: أميرة الظلام(مروه كمال محمد)*