فتاة تتحدى الجميع

الفصل السابع عشر

وائل : آسف يا قطتي الطريق بقىٰ.. ها إيه المشكلة مفهمتش حاجة منك في التليفون

جوري وهيُ تجلس : أقعد الأول ...... ( وحكت له ما حدث بالتفصيل )

آدم بضيق : ممكن أعرف مين حضرتك بقىٰ

وائل وهو يسلم عليه وعلىٰ صقر بابتسامة : أنا وائل محامي جوري آسف نسيت أسلم الأول

صقر : وأنا صقر ودا الرائد آدم

آدم في نفسه : إذا كان المحامي بتاعها وبتعمل معاه كدا فما بالك أصحابها بتبوسهم يعني

جوري بقلق : وائل أوعىٰ تكون قولت لكريم أو أحمد أو أي حد

وائل بخوف من ردة فعلها : ها لا أبدًا

جوري وهي تنظر في عيونه : أنتَ بتكدب يا وائل قلت لمين

وائل بسرعة : قولت لكريم بس

جوري : عارف لو كريم قال لحد ه**رك يا وائل فاهم

وائل : إيه يا قطتي خلاص بقىٰ

آدم بضيق : إيه قطتي دي اسمها جوري في محامي يقول لرئيسته قطتي

وائل بضحك : أنتَ متعرفش جوري مش بس مديرتي دي أختي في الرضاعه وبنت خالتي و صديقة الطفوله فهمت

آدم بفرحة واضحه : إيه ده بجد... أمم طيب

خبط الباب وكان كريم يقف بجوار العسكري

نطت جوري عليه

جوري : واحشني يا كلب أوعىٰ تكون قولت لحد

كريم بضحك : وأنتِ كمان يا قرده ومتخافيش أنا مش أهبل زي وائل

ضحك آدم وصقر وربع وائل يديه أمامه ونظر لهم بضيق

وائل : بقىٰ أنا أهبل ماشي يا كريم

آدم : شكرًا علىٰ الهدوم يا كريم

كريم بغباء : العفو بس هدوم إيه

جوري بضحك وهيَ تض*ب كريم علىٰ رأسه من الخلف : بتقولوا العفو ليه طالما مش عارف هدوم إيه يا غ*ي

كريم : إسكتي أنتِ يا أوزعه

جوري وهيَ تضع يدها في وسطها : أنا مش أوزعه

" كانت جوري ترتدي بنطال بصلي وبدي كت أبيض و صندل كعب أبيض و تفرد شعرها الطويل "

كريم : لا أوزعه بالكعب إقلعيه وهتبقي قزمه مش أوزعه وبس وشيلي إيدك من وسطك عشان بتبقي قمر أنتِ و كده

جوري بضحك : يابني أنا أختك روح عا** خطيبتك مش أنا

آدم شعر بالغيرة علشان هيَ فعلًا قمر من غير حاجة ولما حطت إيديها في وسطها بقت أحلىٰ

حكت جوري لكريم ما حدث وقلق عليها وشكر آدم

صقر : إنتوا شبه بعض جامد نسخة يعني

جوري : أصلي إحنا تؤام مش إخوات وبس

صقر : أه منا بقول لنفسي حتىٰ الإخوات مش بيبقوا شبه بعض جامد كدا

جوري : يلا بقىٰ يا كريم علىٰ البيت

كريم : بيت إيه

جوري : نعم بيت إيه القاهرة أكيد يعني وإللي في دماغك مش هيحصل

كريم : أنتِ عرفتي من فين إللي في دماغي

جوري بعصبيه : كريم مش بحب أعيد كلامي ...علىٰ البيت

كريم بجدية : جوري أنا هقعد معاكي كام يوم كده تغيير جو

جوري : لا طبعًا والشغل

كريم : م أنتِ أهو قاعدة وبتديري الشغل من هنا

رفعت جوري حاجبها : طيب أنا مهندسه وأقدر أ**م وأبعت التصاميم بخمسين طريقة ياترىٰ الطب إتطور وأنا معرفش لدرجة إنك تعمل العملية وتبعتها علىٰ الواتس أب

ضحك الجميع علىٰ كلامها

كريم : مهو الصراحة أنتِ رخمه لو كنت بشتغل في مستشفىٰ عادي كنت أخدت إجازة لكن أنتِ فتحتيلي مستشفىٰ كبيرة أديرها أنا مش زيك يا جوري بالراحة عليا

جوري : أنتَ إللي مستهون بنفسك وبعدين أنا غلطانه بإني عملتلك مستشفىٰ أصلًا أنتَ أخرك عيادة صغيرة و يلا علىٰ البيت

كريم : بطلي بقىٰ أنا الأكبر علىٰ فكرة

جوري وهيَ تتن*د بنفاذ صبر : أه أكبر ب3 دقايق... كريم صبري بدأ ينفذ لو إتعصبت عليك هتزعل ف يلا بهدوء وأدب علىٰ البيت

كريم : أوووف طب علىٰ الأقل أقضي اليوم معاكي هنا وأسافر بكرا أنا جاي من سفر ومش قادر أسوق

جوري : بس كدا متقلقش حالًا أجبلك سواق يا قلبي

كريم : أحيييه عندك حل لكل حاجة نفسي مخك ده ياخذ إستراحه لثانية واحدة

.........

رن هاتف جوري

جوري : أيوة يا أدهم

أدهم : ألف مليون مب**ك يا جوجو إحنا قدرنا ناخد 99% من صفقات شركة الأحلام

جوري بابتسامة : كدا حلو أوي ميرسي يا قلبي تعبتك معايا

أدهم : لا تعبك راحة يا قمر يلا سلام

جوري : سلام

كريم ووائل بفضول : ماله أدهم وإيه إللي حلو

جوري : يخربيت الفضول ... قدرت أخد 99% من صفقات حلمي يعني يلا كلو يعد معايا لخمسة

صقر بغباء : ليه!!؟

جوري : بطل والنبي غباء مش وقته خالص يلا...1..2..3..4..5

ورن الهاتف بمجرد أن قالت 5 فضحكت بسخرية ونظر الجميع لها باستغراب فردت وفتحت الإسبيكر

جوري بدلع : أيوة مين

حلمي : أنا حلمي يا جوري ممكن أفهم ليه وإزاي أخدتي صفقاتي

جوري بثقة : حلو أوي.. لعبت مع القطة يبقىٰ متخفش تخربشك إحمد ربنا إنها جات علىٰ الخربشة بس إعتبرها قرصة ودن علشان تتعلم

حلمي بتحوير : أنا مش فاهم

جوري : يسلام يعني متعرفش واحد اسمه مصطفىٰ مفك مثلًا

حلمي في نفسه : إزاي هربت منهم أغ*ية وهمن ف*نوا عليا كمان

جوري : أه ف*نوا عليك علشان تتعلم تبعت ناس أذكية المرة الجاية

نظر لها الجميع باستغراب

حلمي بغباء : إيه ده هو أنا كنت بفكر بصوت عالي

جوري بضحك : لا بس أنا ذكية كفاية علشان أعرف أنتَ بتفكر في إيه فخاف علىٰ نفسك مني وإبعد أحسنلك

وأغلقت الخط في وجهه

كريم : أنتِ عرفتي إزاي هو بيفكر في إيه

جوري : يارب والنبي أنا خلاص هيجيلي شلل أطفال... إرحمني يابني هو أنتَ مش عارف أختك وتفكيرها

خبط العسكري ودخل

العسكري : في واحد بيقول إنه سواق وإن جوري هانم هي إللي بعتاه

كريم : أنتَ ليه بتقولها جوري هانم دي بتكره الكلمة دي

جوري : قولتله بس الواضح إن كل إللي هنا أذكية زيادة عن اللزوم

صقر بضحك : مش عارف ليه حاسس إن الكلام عليا

جوري بابتسامة : مش بقولك أذكية .. يلا يا كريم السواق جيه يلا Go out

كريم : أنتِ بتطرديني وكأنه مكتبك

جوري بنبرة تحذير : كررريم

كريم بضيق : حاضر حاضر..وِلَيه زنانه

جوري وهي تفتح أعينها علىٰ أخرها بصدمة : بتقول إيه!!؟

كريم بضحك وخوف : بقول إنك حبيبتي

جوري : أه أفتكر

كريم بشجاعة لا يعرف مص*رها : لا بعد إذنك متفتكريش علشان أنتِ بتظلميني ويلا سلام قبل ما أنضرب

جوري وهي تحضن كريم : هتوحشني هو إمته فرحك صحيح؟

كريم : بعد شهر .... صحيح هتقعدي هنا قد إيه

جوري : سنة

كريم : نعمممم !! يعني إيه دا ؟!

جوري : متخافش هاجي يوم الفرح

كريم : لا والنبي لا متجيش كمان، هض*بك يا بت( ضحكت جوري عليه ) ... جوري إنسي الزفت ده وأرجعي معايا

جوري : ومين قالك إني عايزة أنساه لا أنا عايزه أفتكره علشان أتعلم من غلطي ومكرروش..وبعدين أنا قاعدة هنا بغير جو وبرتاح عادي

كريم : ماشي يا قلبي خدي وقتك ..أه وبالمناسبة آدم وصقر إنتوا معزومين علىٰ فرحي هبقىٰ أبعت الدعوات مع جوري..يلا سلام

ذهب كريم وبعد قليل ذهب وائل وبعدها بدقائق دخل العسكري ومعه أحد المجرمين مكلبشين

العسكري : قرر يعترف أخيرًا يا باشا

آدم : سيبه وإطلع

وفي نفس الوقت سحب المجرم مسدس العسكري ووضعه علىٰ رأس جوري

المجرم : قومي أقفي يلاااا

وقفت جوري وأمسكها من يدها ولفها لطعتيه ظهرها

آدم بقلق : سيبها أحسنلك

المجرم بضحكة سخرية : أوبااا دي طلعت غالية أخيرًا لقيتلك نقطة ضعف .... شكلك تذكرة خروجي من السجن يا قطة

آدم : قولتلك سيبها لو لمستها هقتلك

شاورت جوري بيدها من أسفل له أن يستمر في الكلام

آدم : مشكلتك معايا سيبها ونحلها مع بعض بهدوء

المجرم : ليه فاكرني أهبل

ولم يكمل لأن جوري ض*بته في يده وأخذت المسدس بسرعة وض*بته بركبتها في قدمه وض*بته بو** في وشه بكل قوتها فأمسكه العسكري بسرعة

المجرم بصدمة : إزاي أأأأه يخربيتك حد يض*ب حد هنا

جوري ببرود : أه أنا بض*ب هنا وبس علشان أجيب أجل الواحد وأريح نفوخي ....أمسك يا آدم

وألقت له المسدس فأمسكه آدم

صقر وهو يصفق ويصفر : أقسم بالله أنا كل دقيقة بعديها معاكي بأعجب بيكي أكتر

آدم بغضب : نعم يا أخويا.... يلا يا جوري أوصلك لحسن أنا جبت أخري

جوري بضحك : يلا

وأثناء خروجهم ض*بت جوري المجرم قلم تحفه جعل آدم يبتسم

جوري : طلعت تذكره حبسك في السجن بتهمة زيادة ( وضحكت بسخرية )

" في سيارة آدم "

آدم : أنتِ أغرب بنت شوفتها في حياتي

جوري : ليه يعني

آدم : لما أنتِ بالقوة دي وذكية كمان ليه امبارح كنتي بتهربي وخايفة وأول ما شفتيني قلبتي وبدأت ألاحظ الجانب القوي منك

جوري : أنا بستمد قوتي من الناس إللي حواليا ....لما بيكون في ناس حواليا بفكر بسهولة

آدم : أنتِ قوية مش ضعيفة المشكلة إنك مستقله بنفسك

جوري : جايز

بعد أن وصلوا نزلت جوري من السيارة

آدم : ثانية بس ممكن أخد رقمك

جوري : اكتب ( ....... 01 )

آدم : تمام كدا

جوري : ثانية رن عليا أسجل رقمك أصلي عايزة أعزمك علىٰ الغداء بكرا كشكر يعني على مساعدتك

آدم : مفيش داعي للشكر بس هاجي بردو

إتفقوا على أن يتغدوا معًا في اليوم التالي ....

إرتدت جوري فستان بينك كت يصل للركبه وفردت شعرها

.........

في المطعم يجلس آدم مرتدي النظارة الشمسية وبمجرد دخول جوري المطعم تتحول كل الأنظار إليها ويخلع آدم النظارة وينظر لها بإعجاب

جوري بابتسامة : آسفة لو إتأخرت

آدم : لا عادي أنا إللي جاي بدري وبعدين ينفع كدا

جوري : إيه

آدم : أنتِ لازم تتنقبي

جوري وهي ترفع حاجب : أفندم

آدم بمزاح : إيه هتقلبي ليه بس... أصلي من أول ما دخلتي وكلوا مركز معاكي ومحدش شال عينه من عليكي بصي كدا

نظرت جوري حولها فوجدت الجميع ينظر لها فوقفت وقالت

جوري بصوت عالي نسبيًا : هو ده مطعم ولا سينما م كل واحد يبص قدامه الله

وجلست بهدوء وابتسامة : المينيو لو سمحتي

آدم بضحك : أنا هاخد قهوة سادة

جوري : وأنا عايزة عصيري المفضل

النادل : تمام يا فندم

وذهب النادل

آدم باستغراب : إيه عصيرك المفضل دا

جوري : همن عارفين عصيري المفضل ومكتوب باسمي أصلًا بص كدا في المنيو

آدم وهو ينظر في القائمة : إيه ده ....دا بجد

جوري بثقة : مش قولتلك

بعد أن شربوا العصير وتناولوا الطعام جائت جوري لتذهب هي وآدم ولكن النادل إصطدم بها وسكب عليها الماء

جوري بزعيق وغضب : أنتَ غبي

كان المدير يمر علىٰ العمال ورائهم

المدير : أنتَ غ*ي أنتَ متعرفش مين دي أنتَ مطرود

جوري : لا لا مش مشكلة سيبه غلطه وبتحصل في أحسن المطاعم

جوري للنادل : أنا آسفة مكنش قصدي أغلط فيك

النادل : أنا إللي آسف يا فندم

المدير : إتفضل شوف شغلك

ذهب النادل

المدير : أنا آسف بجد يا جوري هانم أنا هخ** اليوم منه علشان يتعلم

جوري : لا طبعًا دي شوية ميه مش مشكله ما تعملهوش حاجة فاهم ولا أعيد كلامي

المدير : طيب حاضر مش هعمله حاجة المهم إحنا آسفين بجد

جوري : قولت خلاص...يلا عن إذنك

المدير : إتفضلي

خرجوا من المطعم وذهبوا ليجلسوا في أحد الحدائق وكانت جوري تمسك جيتارها معها... بعد قليل جلسوا على أحد المقاعد

آدم : أنتِ بتعزفي

جوري بتوتر : ها لا أقصد أه

آدم : مالك خايفة كدا ليه

جوري : أنا ليا أكتر من 10 سنين مش غنيت وخايفة أغني يطلع صوتي وحش

آدم : وإيه المشكلة غني وأنا هسمعك

*بقلمي: أميرة الظلام(مروة كمال محمد)*