فتاة تتحدى الجميع

الفصل العاشر

آسر بضحك : ههههه واضح

جوري : الفيلم ده ممل إيه رائيك نلعب بلايستيشن

آسر : فكرة يلا نلعب ده أنا ههزمك شر هزيمة

جوري بسخرية : ها ها ها إنت متعرفش أنا مين ده أنا حريفة الحريفين

آسر : هنشوف

بدؤا يلعبوا حتىٰ نام كلاهما مكانهما علىٰ الكنبة

إستيقظ آسر علىٰ رنين هاتفه ووجد جوري تسند ظهرها علىٰ ذراع الكنبة وقدم عليه والأخرى بجانب وجهه ولم يستطع أن يكتم ضحكته ولكنه توقف عندما رأىٰ أنها تشبه الأطفال كيف يمكن لفتاة مثلها أن تمسك شركات كبيرة وتديرها ببراعة تجعل الجميع يتكلم عن قوتها

إستيقظت جوري علىٰ صوت هاتف آسر الذي نسيه أثناء تأمله لجوري

أنزلت جوري قدميها علىٰ الأرض بسرعة وخجل

جوري : إنت بتبصلي كدا ليه

آسر :......

جوري : طيب رد علىٰ الفون

آسر : ها

جوري : لا الواضح إنك لسه نايم

أجاب آسر علىٰ الهاتف وهو يبتسم لجوري

آسر : أيوة يا أستاذ عبد الله

عبد الله : إنتوا فين يا بني أنا مستنيكم في مطعم الفندق من زمان ولما زهقت طلعت أوضتي

آسر بصدمة : إيه هى الساعة كام؟!

نظرت جوري في الساعة بصدمة وجدتها الواحدة ظهرًا

جوري : أحييييه

آسر بضحك علىٰ منظر جوري وفمها يكاد يقبل الأرض : أسفين يا عبد الله باشا راحت علينا نومه بس كلها نص ساعة ونيجي لحضرتك

عبد الله : خلاص تمام وأنا هكلم إبني وخطيبته يجوا علىٰ ما توصلوا

آسر : تمام ... سلام

عبد الله : سلام

أغلق الخط وجوري مازالت في نفس الوضع

آسر : ههههه مهو لو فضلتي كدا هنتأخر تاني يلا إطلعي إلبسي وأنا كمان طالع ألبس

ركضت جوري إلىٰ غرفتها وإستعدت في عشر دقائق بالظبط مما جعل آسر يُصدم

آسر : أنتي لحقتي أنتي أسرع بنت بتجهز شوفتها في حياتي

جوري : إنجز ومش تتنح كتير أنا كل إللي عملته خدت شور سريع ولبست ونزلت

آسر بصدمه : نعم وخدتي شور كمان لا أنا ممكن أتجن كدا

جوري : وإيه فيها 8 دقائق في الحمام وأتنين لبست فيهم ده فستان يعني مخدش إلا 10 ثواني ودقيقة و50 ثانية في تسريح شعري

آسر : لا مهو أنا ممكن أتجلط من الصدمه يلا بينا

ذهبوا إلى المطعم وإتفقوا علىٰ كل شيء وعرفوا الأفكار التي تريدها العروسة والعريس وجاء وائل الذي إنصدم آسر برؤيته ولكنه عرف فيما بعد أنه جاء لأجل عقود العمل

ذهب وائل للفيلا لأنه متعب ويحتاج إلىٰ النوم وذهبت جوري مع آسر إلىٰ أحد الشواطئ ليتمشوا

آسر : أوبا أنا نسيت الفون في العربية هروح أجيبه وأجي بسرعة

جوري : متتأخرش عليا

آسر بفرحة : عيوني

بعد ذهاب آسر بدقائق إقترب شابين من جوري

الأول : هو الجميل ماشي لوحده ليه

الثاني : بس عيب علينا نسيبها وحدها ولا إيه

جوري بشجاعة لا تعرف من أين جاءت : إحترم نفسك أنت وهو وسعوا من قدامي

أمسكها الأول من ذراعها : لا يا موزة أنتي فاكرة إننا هنسيبك تمشي بسهولة كدا هو دخول الحمام زي خروجه يا قطة

جوري : أد*ك قولتها وأنا بقىٰ مدخلتش الحمام عشان أخرج منه

ونفضت يده بقوة ولكنه أمسكها مجددًا

جوري : بص يا أسمك إيه لو مش سيبت إيدي حالًا هخليك تندم

الأول : أنا عايز أندم

وحاول تقبيلها بقوة ولكن هناك من أمسك يده الممسكة بيدها وأبعدها بقوة وظل يض*به ولكن صديقه ض*به بعصا علىٰ رأسه من الخلف

جوري بصراخ ودموع : آسررررر

سقط آسر مغشيًا عليه وهرب الشابين وجلست جوري بجانب آسر وظلت تبكي بهستيريا علىٰ منظر آسر والدم الذي ينزل من رأسه شاهدهم رجلين وجاءوا لمساعدتهم ووضعوا آسر في السيارة وركبت جوري وقادت السيارة إلىٰ المسشفىٰ بسرعة جنونية

جوري وهى تبكي وتنظر لآسر الفاقد للوعي بجانبها : آسر أرجوك مش تسيبني أنا مش هستحمل بعدك أنت الشخص إللي دايمًا بيتحداني وبحب خناقاتنا أرجوك أنا ممكن أتدمر لو حصلك حاجة

في المستشفىٰ تقف جوري أمام غرفة آسر ومنتظرة خروج الطبيب بفارغ الصبر وتبكي في **ت

الطبيب بعد أن خرج : هو حضرتك مراته

جوري : إيه لا.. هو كويس يا دكتور

الدكتور : الحمد لله إنك جبتيه هنا علىٰ طول لو إتأخر كمان شوية كان هيخسر دم كتير ومكناش هنقدر نعوضه

جوري : هو أنا أقدر أشوفه

الدكتور : هو حاليًا نايم تحت تأثير الم**ر وياريت تكلمي حد من أهله أنتي تقربيله إيه

جوري : هو صديقي بس أهله مش هنا إحنا جينا هنا علشان شغل

الدكتور : طيب لازم حد يسجل بيناته ويدفع الحساب

جوري : أنا ههتم بكل ده

الدكتور : طيب تقدري تروحي مع الممرضة

ذهبت جوري مع الممرضة ودفعت الحساب وسجلت معلوماته كلها وجلست علىٰ كرسي بجانبه وهى تمسك يده في إنتظار أن يستيقظ

رن هاتف جوري، جوري بصوت مبحوح من كثرة البكاء : ألوو

وائل : مال صوتك يا جوري وإنتوا إتأخرتوا كدا ليه إنتوا فين

جوري بعد أن دخلت في نوبة بكاء جديدة : وائل ....

وحكت له ما حدث

وائل : إهدي يا حبيبتي أنا جاي في الطريق متخافيش أنا مش متعود عليكي كدا أنتي قوية يا جوري

جوري ببكاء : لو آسر حصله حاجة أنا مش هسامح نفسي

وائل : مش الدكتور قال إنه كويس يبقىٰ خلاص إهدي بقىٰ

أغلق الخط مع جوري وبعد بضع دقائق بدأ آسر يستيقظ

آسر وهو يجلس : أه دماغي أنا فين

جوري بفرحة : أنت صحيت يا حبيبي أأأأأ أقصد إيه صحيت يا آسر

آسر بابتسامة : لا الأولىٰ أحلىٰ

جوري بخجل وهى تخفض رأسها : أنا آسفة كل دا بسببي

آسر : جوري متقوليش كدا هو أنتي إللي ض*بتيني غدر

جوري : لا بس

آسر : مفيش بس أنا فرحان إني إض*بت أصلًا علشان عرفت غلاوتي عندك

جوري مغيرة الموضوع : أنا حفظت شكلهم وأول لما أروح هرسمهم وهبعت صورهم القسم

آسر بخبث : عندي فكرة أحسن

جوري : إيه؟!!

آسر : سيبك منهم وإرسميني أنا

جوري في نفسها : ع**ط وأهبل أنت لو روحت أوضتي في القاهرة هتلاقي دفاتر رسوماتي كلها بصورك أنا الفترة إللي فاتت دي كلها كنت برسمك أنته وبس يا غبي

آسر : روحتي فين

وقبل أن تجيب دخل وائل الغرفة

وائل : ألف سلامة عليك يا كبير

آسر في نفسه : رخم إيه إللي جابه ده

آسر بإقتضاب : الله يسلمك

وائل : طيب مش يلا أنا جهزت أوراق الخروج ولا عايز تقعد هنا

آسر : لا يلا

ذهب وائل ليحضر العربية أمام البوابة

آسر وهو يقف وكاد يقع فسند علىٰ جوري

جوري : خليك ساند عليا

آسر وهو يحاوطها بذراعه : أنتي أوزعة كدا ليه يا بت

جوري بضيق : أووف أوف منك أنا مش أوزعة، أنت وكريم رخمين كل شوية تقولوا عني أوزعة وبعدين أنا مش إسمي بت وبكره إللي بيقولي كدا

آسر : إهدي يا شبح خلاص أنتي مش بت أنتي جوجو وأنتي أوزعة أه بس أنا بس إللي أقولك كدا إتفقنا يا صاحبي

جوري : أمم ماشي يا صاحبي

عادوا إلىٰ الفيلا وإكتشف آسر إن وائل ش*يقهم في الرضاعة وسعد كثيرًا بذلك وطوال الوقت كانت جوري تهتم بهِ حتىٰ عادوا إلىٰ القاهرة

" في منزل عائلة آسر "

بسمة : يالهووي إيه الربطة إللي حولين دماغك دي يابني

آسر : متقلقيش يا ست الكل أنا زي الفل

بسمة : فل إيه بس أنت مش شايف نفسك

منصور : مش هتقولنا إيه إللي حصلك

آسر : خناقة بسيطة

" عائلة آسر "

منصور : والد آسر ومصطفىٰ لديه مستشفى خاصه وعصبي جدًا وشديد

بسمة : زوجة منصور وتحب أبناءها جدًا سيدة جميلة لو رائيتها لما عرفت سنها الحقيقي قط

مصطفىٰ : عمره 33 سنة شاب وسيم عيونه خضراء وشعره أ**د كالفحم وأملس كالحرير مهندس بيشتغل مع آسر في شركته متزوج من منة وعنده ولد وبنت ندىٰ ونور

منة : عمرها 28 سنة بنت جميلة شعرها ناعم ولونه بني فاتح بنفس لون عيونها دكتورة في مستشفىٰ والده تعرف عليها أثناء زيارته للمستشفىٰ ووقع في شباك حبها من النظرة الأولىٰ

ندىٰ : عمرها 6 سنين شبه مامتها في كل حاجة معادا العناد عناد عمها زي ما بيقولوا

نور : عمره 3 سنين شبه باباه في العيون الخضراء وشعره بني فاتح وناعم زي مامته

آسر : عمره 29 سنة يملك جسد رياضي جميل يجذب الفتيات وعيون خضراء محدده باللون الزيتوني

مر بضعة شهور وجوري وآسر يتقربان من بعض أكثر كل يوم وفي أحد الأيام

" في شركة الأمير في مكتب جوري "

جوري بغضب : أدهم متعصبنيش أنا عمري ما خسرت ولا صفقة والملفات إللي بتتسرق دي أنا لازم أعرف مين بيعمل كدا

أدهم : هحاول بس المشكلة إن كل حاجة عادية في الكاميرات مفيش أي مشكلة

جوري : خلاص أنا ماشية دلوقتي بكرا أجي ألاقي كاميرات جديدة متركبة ومتقولش لحد عنها وتكون مخفية

" في قصر الأمير "

أشرف بغضب : بابا الهانم إللي عمال تمدح فيها أهى وصلت الشركة للإفلاس كلها كام شهر ونفلس

سليم : جوري بنتي إيه إللي بيحصل أنا مش فاهم حاجة أنتي عمرك ما خسرتي صفقة فما بالك بالصفقات الكتيرة دي إللي عماله تخسريها واحدة ورا التانية أنا مش قادر أصدق

أشرف : يمكن تكون هى إللي بتبيع الصفقات وت**ب فلوسها

جوري : لا كدا كتير أنا مستحيل أعمل كدا في حد بي**ق الملفات مش أنا

أشرف : وياترا قدرتي توصلي للحد دا

جوري بضيق : لا

أشرف : شوفت يا بابا أنا من رائي تسحب الإدارة منها

سليم بحزن : أنا آسف يا بنتي بس أنا مضطر أعمل كدا

جوري بضحكة سخرية : آسف؟! آسف علىٰ إيه؟! أنت مصدق كلامه دا

لم يجيب عليها وفضل ال**ت نظرت لوالدها ولكنه أخفض رأسه بسرعة

جوري بغضب : خلاص تمام بس أنا هسيب البيت وهعمل شركتي الخاصة وهخليها ت**ب وتعدي شركتكم بمراحل وهتندموا

صعدت إلىٰ غرفتها ولم تسمح لأحد بالرد عليها، كانت تضع ملابسها في الشنطة ودخل كريم

كريم بحزن : جوري أنا واثق فيكي ثقة عمياء أرجوكي متمشيش

جوري وهى تحضن كريم وتبكي : مش بإيدي يا كريم دول بيتهموني إني حراميه

كريم : سامحيهم أو أقولك متكلميهمش أصلا بس خليكي هنا

جوري : أنا هرجع يا كريم متخفش بس هرجع لما أخلي شركتي أكبر الشركات في مصر

كريم : يعني مفيش أمل

جوري : لا مفيش أنا هقعد في الشقة بتاعتي وأنت مرحب بيك في أي وقت

كريم : بس أنتي عندك فيلا يا جوري هى أه صغيرة شوية بس أحسن من شقة

جوري : هبيعها علشان أقدر أفتح شركة جديدة ومعايا شوية مدخرات في البنك هينفعوني متقلقش

كريم : طيب بس كل يوم تكلميني علشان أطمن عليكي

جوري : حاضر يا حبيبي

أنور وهو يقف عند الباب : يعني خلاص يا جوري هتسيبيني

جوري : معلش يا حبيبي بس أنا لازم أثبتلهم إني مش خاينة ومش محتاجة أبيع الصفقات علشان أ**ب

أنور بإبتسامة حزن : هتوحشيني

جوري : وأنت كمان

ذهبت جوري إلىٰ الشقة قامت بتنظيفها علىٰ السريع وعندما جاءت لتجلس وترتاح رن هاتفها

جوري بتعب : ألوو

آسر : أنتي فين يا حبيبتي وليه سيبتي البيت دلوقتي حالًا ترجعي

جوري : مش هينفع البيت إللي يقول عني خاينة يبقىٰ مليش مكان فيه

آسر : طيب علىٰ الأقل ممكن تيجي تقعدي عندنا

جوري : معلش يا آسر مش هينفع أنا لازم أثبتلهم إنهم خسروني وأنا هدمر شركتهم مش كره ولا غيره بس لازم أبينلهم إنهم خسروا أحسن م**مة في مصر

آسر :.......

*بقلمي: أميرة الظلام (مروة كمال محمد)*