فتاة تتحدى الجميع

الفصل التاسع

جوري : لاحظوا إنكم بتكلموا عني وقدامي يعني شغل نميمة بالمكشوف

كريم : إيه ده ..ألوو هو الخط قطع

جوري : لو قفلت هشتمك يا كريم بطل تمثيل

كريم بصوت بعيد بعض الشيء ومتقطع : مش ب...م..ث...ل

جوري : أمال سمعتني إزاي يا ذكي

كريم بضحك : أما أنا غ*ي بصحيح ؟! باي باي يا جوجو

أغلق كريم الخط وإنفجر آسر في الضحك

جوري : أنا سحلانة منك

آسر : ليه بس كدا ده أنا حتىٰ هجبلك أيس كريم

جوري : علشان أنت وكريم بتضحكوا عليا

آسر : أنا آسف ياستي وبعدين إحنا بنهزر

جوري بإبتسامة : هسامحك بشرط

آسر : سبحان الله بتتحولي في لحظة، أؤمر يا معالي الوزير

جوري : هتجبلي عصير وشيبسي ومصاصة ولبان

آسر : أنتي متأكدة إنك جوري أنا حاسس إني مسافر مع بنت أخويا الصغيرة

جوري : عيب عليك دا أنا أصغر منها

آسر : الصراحة أه علىٰ العموم كل دا ماشي لكن مصاصة إيه يا بنتي إللي عايزاها أنتي عندك كام سنة

جوري بثقة : 3 سنين

آسر : أنا شايف إنك أكلتي عشرين سنة

جوري : أيون علشان أنا عقلي وقف عن النمو بعد 3 سنين

آسر : يسلام وأنتي لو عقلك واقف كنتي هتروحي تمسكي أكبر شركات الهندسة في مصر وتخليها تكبر بالمنظر ده

جوري : أنا في الشركة عقلي بيبقىٰ عقل واحدة عندها 50 سنة أما بقىٰ برا الشركة والشغل بيبقىٰ 3 سنين

آسر : بس أنا عاجبني إللي عندها 3 سنين مش 50

جوري وهى تحاول التهرب من كلامه : إسكت بقىٰ

" بعد بضع ساعات في فيلا صغيرة في مرسىٰ مطروح "

جوري : نورت البيت يا أخينا

أسر : نورت إيه بس ده مضلم

جوري : هههههه لا عيب تقول عن نفسك كدا يا حبيبي

آسر بفرحة : يا إيه؟!

جوري بتوتر : يااااا..يووه أنا متعودة أكلم كريم ووائل ومازن وكلو كدا بطل رخامه

آسر بضحك : خلاص متزعليش ...تاكلي إيه

جوري : أنا هطلع أنام وشوية نشوف نأكل إيه

آسر : بس أنا جعان هو فيه أكل في المطبخ جوا

جوري : أيوة أنا خليت الحارس يجيب واحدة تنضف المكان وتشتري شوية طلبات للبيت

آسر : حلو جدًا

جوري : هو أنت بتعرف تطبخ

آسر : أيوة بعرف أعمل حاجات خفيفه زي المكرونة والأرز كدا يعني

جوري : طيب علىٰ المطبخ يا باشا

آسر : أنتي مش كنتي هتنامي

جوري : لا أنا هموت من الجوع عصافير بطني ماتت مش بتزقز جعااانة

آسر بضحك : هههه طب يلا يا مفجوعة

" في المطبخ "

كان آسر يرتدي المريلة هو وجوري وطقية الشيف

آسر : ها هنعمل إيه

جوري : أنت إعمل المكرونة وإقلي الفراخ وأنا هعمل كب كيك

آسر : إتفقنا

بدءوا في تجهيز الطعام والجو كان مليء بالضحك والمزاح

آسر : في دقيق علىٰ وشك

جوري وهى تضع يدها المليئة بالدقيق علىٰ وجهها : فين

آسر : ههههه يخربيتك بهدلتي نفسك أكتر إستني أمسحهولك

جوري : أنا لا أثق فيك سيبه أنا هغسل وشي

آسر : براحتك

*********************

جوري وهى تقف علىٰ حرف الرخامة لتحضر كيس الكاكاو : أوف حد يرفع الكيس بالغباء دا

آسر وهو ينظر لها بصدمة : الله يخربيتك أنتي طلعتي كدا إزاي!!؟ ...حاسبي لتقعي إنزلي أنا هجيبه

جوري : خلاص قربت أوصله

أمسكت جوري بالكيس وكان يوجد زيت علىٰ الرخامه فتزحلقت وكادت تقع ولكن آسر حملها وكيس الكاكاو سقط عليهم

آسر : بصي في المرايا يا قلبي وبعدها إتكلمي هههه منظرك تحفه

جوري بضيق : وسع كدا نزلني

آسر وهو ينزلها : إنزلي ياستي بقيتي تورته تحفه

جوري وهى تمسك ببيضة وت**رها علىٰ رأس آسر : طب خد يا تورته

وطلعت تجري وآسر مازال في صدمة ..وركض خلفها إلىٰ الخارج حتىٰ أمسكها من الخلف وحملها

جوري بضحك : ههههه عااااا نزلني

آسر : بقىٰ أنا تعملي فيا كدا ماشي أنا هوريكي

أخذها آسر إلىٰ المطبخ وأمسك بزجاجة اللبن وسكبها علىٰ رأسها وهى تصرخ وتضحك

آسر بضحك : ههههه مش قادر شكلك تحفه

وفجاءة تزحلق بسبب الزيت الذي في الأرض وسقط وجوري فوقه

آسر بصراخ : أه ظهري إت**ر يخربيتك تقيله

جوري وهى تخرج ل**نها له : تستاهل

آسر : شريرة... وإيه أللي إتزحلقت فيه ده

جوري بإبتسامة براءة : أصلي أنا خبطت من شوية في زجاجة الزيت فوقعت وإتكبت

آسر : هههه إحنا بقينا تورته بكل حاجة

جوري : أممم تصدق صح ههههه

______________________

إنتهىٰ الإثنين من تجهيز الطعام وتناولوه تحت جو من المرح وصعدوا لغرفهم ليغيروا ملابسهم ويحصلوا علىٰ قسط من الراحة

" في الساعة الثانية صباحًا إستيقظت جوري لأنها شعرت بالجوع وتسللت ببطء للمطبخ وإتجهت لمفتاح النور ولكنها شعرت بحركة غريبه حولها فتراجعت ببطء شديد وإصتدمت بشخص وصرخ كلاهما

جوري وهى تض*ب هذا الشخص بكل ما لديها من قوة : عاااا إلحقوني هيقتلني حرامي

آسر بضحك : إهدي ده أنا إيه إللي جابك هنا

أضاءت جوري النور ونظرت له بتعجب

جوري : آسر أنت بتعمل إيه هنا دلوقتي أنا إفتكرتك نايم

آسر : وأنا بردو إفتكرتك نايمة.. أنتي جايه هنا ليه

جوري بخجل : جعانه

آسر : ههههه وأنا بردو

جوري : طيب إيه رأيك نطلب أكل

آسر : وهو في مطعم هيبقىٰ فاتح في نص الليل كدا

جوري : لا متقلقش أنا معايا رقم مطعم علشان كل لما باجي هنا بجوع بالليل وبطلب منه

آسر : طيب مستنية إيه إتصلي يلا

جوري : طيب أنا هروح أجيب الفون هو أنت بتحب البيتزا إزاي

آسر بتفكير : أممم باللحمه لا لا ..بالفراخ..لا لحمه

جوري بغضب : إثبت علىٰ قرار متعصبنيش

آسر : آخر قرار سي فود

نظرت له بغيظ وتركته وذهبت لتحضر الهاتف، طلبوا الطعام وجلسوا يأكلوه وهم يشاهدوا فيلم رعب

آسر : إنتي جيبله مش بتخافي

جوري وهى تنظر له بخوف تحاول أن تخفيه : ها لا مش بخاف خالص

آسر بضحك : هههههه واضح

جوري : ........

*بقلمي : أميرة الظلام (مروه كمال محمد)*