الفصل الرابع عشر

1789 Words

ذهبت جوري مع آسر وكريم ويارا إلىٰ الشركة وبمجرد أن نزلت من السيارة ورأت الموتُسكل صرخت بفرحة جوري وهيٰ تنظر لكريم : ياي تحفه أنتَ مش عارف أنا كان نفسي فيه قد إيه كريم : عارف وعلشان كدا جبتهولك يا هبلة يارا : سوري هو أه سؤال غ*ي بس أنتِ معاكي فلوس تبني مستشفىٰ يا جوري ومش معاكي فلوس تجيبي موتسكل آسر : أه أنا عندي نفس السؤال كريم : جوري لما شافت الموتسكل ده كانت هتجيبه بس مازن اتصل بيها وكان عايزها في حاجة تبع الشغل وجوري طبعًا أحلامها في المرتبة التانية وإحنا والشغل المرتبة الأولىٰ وبعدين لما حبت تشتريه ملقتهوش كان خلص أنا جايبه من برا مصر أصلًا جوري : وإيه يعني مهو ده الصح كريم : جوري متعصبنيش جوري بضحك : خلاص حاضر كريم : بما إنك النهاردة عماله تحققيلي أحلامي واحد ورا التاني في حلم بحلم بيه من لما ماما ماتت الله يرحمها جوري بحزن : مقدرش آسر : هو أنتِ سمعتي إيه هو الأول كريم : عايزها تغني آسر : أنتِ بتغني طب ليه مش قولتيلي كريم : كانت بتغني زمان بس من سعت ما ماما ماتت وهيٰ رافضة رفض قاطع إنها تغني آسر : ليه يا جوري جوري : آسر لو سمحت كريم : علشان ماما كانت بتحب صوتها جدًا وجوري مش بتغني غير لما ماما تقولها آسر بتفكير : أممم كريم بحزن : جوري علشان خاطري جوري بدموع محبوسة : وحياتي عندك متزنش مش هقدر حاولت ومش قدرت سامحني وذهبت هيٰ وآسر وبعد قليل آسر : جوجو جوري بضحك : نعم آسر : بتضحكي ليه جوري : علشان عارفة إنك عايز تقول حاجة إنجز قول عايز إيه آسر : ليه مش بتغني أنا عارف إن كون مامتك بتحب صوتك ده مش سبب رئيسي جوري تن*دت وبدأت دموعها في النزول : محدش يعرف الموضوع ده آسر : طيب انا آسف مش هتكلم فيه بس متبكيش جوري : لا أنا لازم أقول لحد مش هقدر أخبي أكتر من كدا...قبل ما ماما تموت صحتني وجات قعدت جنبي وقالتلي أغنيلها إستغربت من طلبها وقولتلها إستني للصبح مش قادرة بس هيٰ رفضت فقومت وغنيتلها وبعدها سابتني وراحت أوضتها رحت وراها أشوف مالها لقيتها نايمة زي الملايكة ( وإزداد بكائها ) سيبتها ورحت أوضتي، الفجر بابا بيصحيها علشان مش من عادتها إنها تفوت الفجر بس مصحيتش أنتَ عارف يعني إيه أخر صوت والدتك تسمعه يكون صوتك أنا فضلت سنة بتعالج علشان أقدر أتكلم تاني كلهم كانوا فاكرين عدم كلامي سببه حبي الشديد ليها ورجعت أتكلم بس مش قادرة أغني تاني مش قادرة حاولت بس مش قادرة أوقف آسر السيارة وإحتضنها وظل يحاول تهدئتها آسر : ليه كتمتي السر ده جواكي مش ذنبك إنها حبت تسمع صوتك ده المفروض إنك تفرحي إنك محظوظة أنتِ أخر واحدة سمعت صوتها وبدل ما تغني وتسمعي الكل الصوت إللي مامتك كانت بتحبه بتحرميهم منه جوري وهيٰ تمسح دموعها بكف يدها كالأطفال : يعني أنتَ شايف كدا آسر : أه يا حبيبتي وبعدين حرام عليكي يا مفتريه تحرميني من صوتك يا طماعة جوري بضحك : خلاص هغني يوم فرح كريم وتبقىٰ مفاجأة ليه آسر : هو الفرح أمته؟! جوري : كريم هيروح بكرا يتفق مع عمو أبو يارا آسر : أممم هيروح لوحده يعني جوري : لا أنا هروح النهارده عند بابا أكلمه هو وجدو يروحوا معانا آسر بفرحة : إتصالحتوا خلاص جوري : ومالك فرحان أوي كدا ليه آسر : علشان أنا زهقت وعايز أتجوز ارحمي أمي بقىٰ جوري بضحك : حاضر هفكر في الموضوع دا آسر وهو يرفع حاجب وينظر لها من فوق لتحت : أفندم ها إيه عيدي مسمعتش جوري بضحك : خلاص يوه بهزر معاك آسر : لا لو هزرتي في الموضوع دا هقتلك جوري بإبتسامة : سوري آسر : هموت أنا من الإبتسامة دي أنا مستعد أعمل أي حاجة وأشوفها جوري : طيب إحنا رايحين فين دلوقتي آسر : عازمك علىٰ الغداء يا قطة رن هاتف جوري فضحكت عندما رأت المتصل آسر : مين وليه بتضحكي جوري : الوو إزيك يا حبيبي المتصل :..... جوري : وحشني والله آسر وهو ينظر لها بغيرة ويكاد يقتلها : بتكلمي مين جوري بضحك : قولتلك قبل كدا متجبش سيرة حد وهو مش هينط آسر بغباء : مش فاهم جوري : ده وائل يا ذكي أنتَ قولتلي يا قطة وعارف إن هو بس إللي بيقولي يا قطة أو قطتي آسر : بقولك إيه أقفلي مع الواد ده أساسًا أنا مش قادر أصدق إنكم إخوات ومش بطيقه أصلًا وائل بضحك : أفتحي الإسبيكر يا قلبي جوري : أهو وائل : بقولك إيه دي قطتي أنا وبس يعني متفتكرش إنها علشان بتحبك هتنساني أو تبطل تحبني أسر : أرجع أنتَ من شرم وأنا مش هخليك تنطق أسمها أصلًا وائل : هههههه شايفة يا قطتي بيهددني جوري : سيبك منه أنتَ كنت عايز إيه؟! وإمته هترجع!؟ وائل : أمم عايز إيه عايز أقولك كل سنة وأنتِ طيبة يا مزة وهديتك أول ما أجي هدهالك... وإمته هرجع أممم إيه بعد اسبوع كدا آسر : طب يلا غور في داهيه وسيبني أستمتع مع البت بتاعتي وائل : ههههه لا عيب عليك وأنا مين يمتعني، بقولك إيه يا قطتي عايز أعرفك علىٰ حد لما أرجع جوري بخبث : حد ولا حداية آسر بضحك : إيه حداية دي يا هبلة اسمها واحدة وائل بضحك : أموت فيكي وأنتِ فاهماني أيوة واحدة يا ستي جوري : طيب ارجع بسرعة بقىٰ خلص الشغل وتعالىٰ طيران وائل : من عيني آسر : إيه طيران دي أنتِ شايفه سوبرمان علشان يجي طيران جوري : دمك تقيل وائل بضحك : وأنا بقول كدا بردو آسر : بقىٰ أنا دمي تقيل ماشي مفيش مفاجأت جوري : إيه لا طبعًا سلام يا وائل يا وحش وائل : ههههه بقيت وحش دلوقتي ماشي هعديها سلام يا قطة جوري لآسر : حبيب قلبي أنتَ آسر : أيوة كُلي بعقلي حلاوة جوري : ليه بس كدا دا أنتَ إللي في القلب يا واد آسر بضحك : والله مجنونة جوري : أنا مجنونة بيك آسر : وأنا بحب جنونك ده، يلا انزلي أدينا وصلنا جوري : أخيرًا آسر : غمضي عينك جوري : ليه آسر : غمضي من غير رغي وهاتي إيدك غمضت جوري وأمسكت يده وفضلت مبتسمة لحد ما دخلوا وقالها فتحي لقيت المطعم كلو فاضي ومفيهوش غير ترابيزة واحدة وعليها شموع وورد ومعمول طريق بالورد على الأرض لحد الترابيزة أخدها وقعدها وقعد قدامها واتعشوا في جو شاعري تحفة ورقصوا وبعدها أخدها البيت جوري وهيَ تدخل : إيه ده أنا كنت منورة النور قبل ما أمشي .... آسر هات إيدك أنا خايفة أسر : .... جوري بخوف : آسر أنتَ فين متهزرش أنتَ عارف إني بخاف من الضلمة آسر : ...... جوري بصوت مخنوق : آسر أنا خايفة أرجوك وفجاءة تشتعل الأضواء وتجد جوري ورد علىٰ شكل قلب علىٰ الأرض ومكتوب بداخله بالورد تتجوزيني جوري من فرحتها جريت وحضنت آسر آسر بضحك : يعني أعتبر الحضن ده موافقة جوري بضحك : أممم لا سيبني اسبوع أفكر لوحدي في هدوء آسر : لا أسبوع كتير جوري : خلاص شهر آسر : إيه لا لا خلاص هِيَ اسبوع حلو جدًا جوري : طيب يلا باي باي آسر : نعم!! جوري : نعم الله عليك يلا Go out آسر بحزن مصتنع : متخلي الإسبوع يبدأ من بكرا جوري بضحك : no way يلا مع السلامة آسر : ماشي يا قطة سلام آسر في نفسه : هانت وتكوني مراتي هانت يا جوري الأمير ذهب آسر وبعد ذهابه بقليل إتجهت جوري إلىٰ قصر الأمير وأخذت كل أغراضها معها ووجدت الجميع مجتمع إبراهيم : وحشاني يا قردة أخيرًا قررتي ترجعي وتسامحينا جوري : وأنتَ كمان واحشني يا هيما بس شهد : بت يا جوري متدلعيش جوزي أنا بس إللي أدلعه جوري بضحك وهيَ تحضن شهد : أخص عليكي يا شوشو بردو أنا تزعلي مني دا أنا جوجو شهد بفرحة : وحشاني يا ش*يه جوري : وأنتِ كمان بس قبل ما أقعد هنا عندي شوية شروط بما إن أشرف باشا ويوسف باشا مش عايزين يعتذروا الشركة هتتكتب باسمي وهضمها مع الشركة إللي فتحتها لأني أساسًا كنت ناوية أفتح فرع تاني ليها علشان المكان مش مكفي أه ولو قلبتولي قرود سوري في الكلمة مش هرجع الشركة لحد، وافقوا علىٰ شروطي وأنا أقعد هنا يوسف : لا طبعًا أشرف : أنتِ كمان ليكي عين تتشرطي سليم بغضب : اسكت يا أشرف أنتَ وابنك جوري : ثانية واحدة يا جدو بما إن إنتوا م**مين تكرهوني فأنا أحب أف*جكم علىٰ الفيديو ده الصراحة مكنتش ناوية أخلي حد يشوفه بس إنتوا إللي مصرين قامت جوري بتوصيل هاتفها بالشاشة وعرضت فيديو ...كان يوسف يجلس في المكتب ومعه والده ودار الحوار التالي يوسف : بابا أنا تعبت ومش عايز أشتغل أنا هعتذر لجوري وهيَ تيجي تشتغل الشغل ده متعب جدًا أشرف : أنتَ اتجننت أنا مصدقت إن أنتَ بقيت المدير يوسف : بص يا حج أنا مش ناقص طلبت مني أسرق الملفات وإتفقت مع إللي بيراقب الكاميرات يظبط الأمور بحيث يبان كل شيء عادي بس أنا مش عايز أشتغل أشرف : وهو أنا عملت كدا ليه مش علشان مصلحتك أنتَ وأختك وإنتهىٰ الفيديو نظر الجميع بصدمة لأشرف ويوسف جوري وهي تقف أمام أشرف : عمرك يا عمي طلبت مني فلوس علشانك أو علشان يوسف أو لوجي وقولتلك لا سليم إتجه ناحية إبنه وض*به قلم سليم : إتفوو علىٰ دي تربية يا خسارة تربيتي دي فيك جوري : جدو لو سمحت أرجوك متعملش كدا أنا وريتكم الفيديو مش علشان تض*به جدو سامحهم وأنا سامحتهم سليم بغضب : مش هسامح أنتِ ذنبك إيه إنك طيبة، إطلع برا بيتي أنتَ وابنك جوري : لا يا جدو محدش هيطلع من البيت ده ولو هم طلعوا أنا هطلع بس المرة دي من غير رجعه ومش هتشوفوا وشي ده تاني إلا لما أموت سليم : سامع سامع مين إللي بيدافع عنكم الوحيدة إللي المفروض تبقىٰ ضدكم يوسف جري لجوري وباس رأسها وفضل يعيط ويردد : آسف والله آسف مقدرتش أقوله لا دا والدي جوري بدموع : مسمحاك مسمحاكم إنتوا الإتنين بس نفسي تحبوني زي ما بحبكم أشرف بحزن وضيق من نفسه : أنا آسف يا جوري يا بنتي أنا غلطت في حقك بس كل إللي عملته دا كان علشان ولادي بس جوري : مسمحاك من غير ما تبرر ممكن بقىٰ تاخدني في حضنك يا حج أشرف بفرحة : تعالي يا بنتي مر اليوم علىٰ خير وجعلت جوري الجميع يسامح أشرف ويوسف وجوري أعطت ليوسف عمل في الشركة ولكن ليس متعب ولكنها أصرت علىٰ ذلك لكي لا يرجع إلىٰ أصحاب السوء وفي اليوم التالي إستيقظت جوري وذهبت إلىٰ أحد المولات وأثناء تجولها وجدت آسر يجلس في أحد الكافيهات وكانت تنوي أن تذهب وتفاجأة ولكنها صدمت عندما وجدته يجلس مع فتاة ويضحك وهي تمسح له بجانب فمه جوري بدموع : مستحيل أخرجت جوري هاتفها واتصلت بآسر لترىٰ ماذا سيفعل جوري بصوت تحاول أن تجعله طبيعي : آسر حبيبي إزيك يا قلبي أنتَ فين آسر وهو يشير للفتاة أمامه أن لا تتحدث : إيه أنا أنا في الشركة يا حبيبتي هكلمك بعدين لحسن أنا هلكان في الشغل دلوقتي قفل معاها وهيَ تنظر بصدمة اقتربت من طاولته وإستمعت لهما الفتاة بضحك : أنتَ بجد هتتجوز الهبلة دي آسر بسخرية : حظي بقىٰ أعمل إيه لازم أتجوزها وأقنعها نضم شركاتنا لحد ما ألاقي طريقة أخد بيها أملاكها كلها سيبك أنتِ من السيرة الزفت دي وقوليلي عاملة إيه دلوقتي يا مزة *بقلمي: أميرة الظلام(مروه كمال محمد)*

Free reading for new users

Scan code to download app

App Store Google Play

Facebookexpand_more