"Again, I'm sorry, Simon. Hindi ko sinasadyang mabanggit kay Rosmary. Nadulas ako..." hingi ng paumanhin ni Ferdinand sa kaibigan.
Bumuntong hininga si Simon at saka nagsalin ng alak sa kaniyang baso at ininom iyon. "Palagay ko, tama naman si Rosmary... isang kataksilan kung hindi ko tutuparin ang pangako ko sa asawa ko..."
"Ano? Paano mo nasabing kataksilan iyon eh patay na nga ang asawa mo! Kapatid lang naman siya. Bakit naaapektuhan ka sa sinasabi niya? Sino ba siya para kontrolin ka? Wala siyang karapatang utusan ka..." pangongontra ni Ferdinand.
"Hindi ko alam, Ferdinand. Nakokonsensya kasi ako dahil ako ang dahilan kung bakit namatay ang asawa ko..."
Asar na tumawa si Ferdinand. "Ikaw? Paanong ikaw? Aksidente ang nangyari, Simon. Aksidente. Ginusto mo ba na mamatay ang asawa mo?
