"Oh? Nakangiti ka na ngayon. Kahapon lang malungkot ka tapos ngayon nakangiti ka na? Hindi na kita maintindihan..." matatawag sabi ni Angela kay Valentina.
Napakamot naman sa kaniyang ulo si Valentina. "Ah... huwag mo na akong intindihin. Medyo... may sapi ako minsan," aniya sabay bungisngis.
Nagsalubong ang kilay ni Angela. "Ha? Nasisiraan ka na yata ng bait. Naku! Baka mamaya nagsasalita ka na mag-isa sa kuwarto mo o baka may kinakausap ka na sa hangin. Sinasabi ko naman kasi sa iyo na lumandi ka rin! Kahit hindi mo seryosohin! Iba pa rin ang may kalandian tuwing gabi lalo na kapag hindi ka pa inaantok!"
Napangiti naman si Valentina. "Huwag mo na akong alalahanin pa. Ayos lang naman ako kahit na wala akong kalandian. Masaya naman ako 'no. At saka wala naman akong kinakausap sa kuwarto
