"Wow naman, Simon... parang iba yata ang dating mo?" nakangising tanong ni Ferdinand sa kaniyang kaibigan.
"Ha? Paanong iba ang dating? Ano ang ibig mong sabihin?" nagtatakang sabi ni Simon.
Ngumisi si Ferdinand. "Iba ang porma mo ngayon. Pang binata eh. Para kang bumata ng ilang taon! Ano ang ibig sabihin nito? Nagkakamabutihan na ba kayo ng kasambahay mo? Sinunod mo na ba ang puso mo?"
Napangiti si Simon nang maalala ang mainit na sandali nilang dalawa ni Valentina. Sa totoo nga lang, gustong-gusto na niyang angkinin ang dalaga ngunit pinipigilan niya lang ang kaniyang sarili. Masyado pang maaga para doon. At ayaw naman niyang isipin ni Valentina na katawan lang ang habol niya. Dahil humahanap pa siya ng magandang tyempo kung paano sasabihin sa dalaga na totoo ang kaniyang nararamdama
