HINDI akalain ni Angel na may tunog pala ang katahimikan. At bumibingi 'yon sa kaniya nang literal sa mga sandaling 'yon, habang katabi niya sa rooftop ng Alta Hotel si Alejandro at pareho silang nakatunghay sa kawalan.
Nasa likod nila ang higanteng sasakyan pang-ere na sana ay maghahatid dito at kay Treazandra sa Las Vegas upang do'n magpakasal.
Nang hilahin siya paakyat do'n ni Alejandro ay pinaalis nito ang mga taong dinatnan nila ro'n. Kung naiba nga lang ang sitwasyon ay siguradong matatawa si Angel sa pagtatakang bumahid sa mga mukha ng mga taong naroon nang makita ng mga 'to na siya ang kasama ng CEO at hindi si Treazandra.
Pero hindi nagkapuwang ang tawa sa kaniya nang makita niya kanina kung paanong nakahanda ang mga tauhan ng CEO na may pa- tarp pa with congrats on it sa ina
