MALAWAK ang lawn ng mansion na 'yon. Hindi lang maalala ni Alejandro kung saan niya nakita o kanino ang mansion pero pamilyar 'yon sa kaniya.
"Parang nakita ko na ang mansion na 'to."
"Ako rin. Pamilyar nga rin sa'kin," pabulong din na tugon niya kay Marco Polo nang makababa na sila sa kotse at hinihintay na makababa ro'n sina Elice at Treazandra.
Si Treazandra ang nag-aya sa kanila ro'n. Nagpaunlak lang sila. Birthday raw kasi ng pinsan nitong duktor na hindi ro'n sa Manila nakabase. Kaya sasaglitin daw nito. Sa sinabi nitong saglit lang, napapayag ni Treazandra si Alejandro. Because the CEO is not into that kind of parties. Mas gugustuhin pa ni Alejandro Sandoval na makulong sa opisina niya o hindi kaya ay matulog sa libreng araw niya. But like Elice said, minsan lang naman, pagbigya
