ALDEN:
NANIGAS ako sa narinig at hindi makakilos! Damn! Paano maaatim ni Andrea na gawin iyon!? Pero imposible namang gumagawa lang si Larah ng kwento!
Para akong nakalutang sa alapaap na naglalakbay ang diwa sa kawalan. Hindi ako makahulma na paulit-ulit nire-replay sa isipan ko ang sinaad ni Larah. Tumatayo ang mga balahibo ko sa katawan na kinikilabutan ako ngayon pa lamang!
"Anong klaseng tao ba siya? Paano niya maaatim. . . patayin ang sarili niyang pamilya?" bulalas ko na nagtungo sa banyo at naghilamos.
Mariin akong napapikit na napahilos sa sentido kong hindi ako nananaginip. Totoo ngang tumawag si Larah at. . . nagbibigay ng babala tungkol sa kakambal niya!
Maingat akong bumalik ng silid at kitang nahihimbing pa rin si Andrea. Nakahinga ako ng maluwag na nahiga sa tabi nito
