عشقتك يا ملكتي

الفصل الرابع

فاريهان : أأأهلا يا فادي

إياس بإستغراب : إنتوا تعرفوا بعض

فادي : مش بمعنى الكلمة هى إحتاجت لمساعدة وأنا ساعدتها

إياس : حلو أوي يبقى مش هتمانعي إني أعزمك في الكافية تشربي معايا حاجة وبالمره تتعرفي على الطلاب اللي هيبقوا معانا في الكلية

فاريهان : ها أه ماشي بس أنا اللي هدفع

إياس : لا أنا معنديش بنات تدفع

فاريهان بضحك : ماشي يلا

خرجت فاريهان وفادي وإياس

ليان : ها إيه اللي حصل

فاريهان : متقلقيش يا حبيبتي يلا روحي إنتي على محاضراتك

ليان : طيب ليه خليتي الحراس ياخدوا سيماء على البيت

فاريهان : علشان أختك غلطانه ولازم تتعلم الأدب بابا وفارس دلعوها جامد لكن لو أنا اللي ربيتها زيك إنتي وأوزجي مكنتش هتبقى كدا

جاءت أوزجي مسرعة

اوزجي بخوف : فاري إنتي بتعملي إيه هنا وإيه اللي قالته ليان في التليفون ده

فاريهان : 1. أنا بقيت طالبة هنا يا حلوين في كلية الهندسة. 2.ليان تحكيلك ءنا الكافيه مستنيني.. يلا يا إياس

إياس بإبتسامة : يلا يا قمر

لسه فاريهان هترد

ليان بسرعة : إسحب كلامك بسرعة

إياس بإستغراب : ليه يعني

فاريهان : مش مشكلة يا ليان يلا أنا ماشية لو إحتجتوا حاجة إتصلوا بيا ثواني وأكون قدامكم

أوزجي : يعني بابا وافق إنك تيجي الكلية أخيراً

فاريهان : أيوة يا قلبي يلا بقى عايزة أمشي عطلتوني

كل هذا وأوزجي لم تلاحظ الشاب الذي يراقب كل حراكاتها

ذهبت فاريهان وإياس وفادي إلى الكافيه وتعرفت على أصدقاء إياس

فادي في نفسه : مستحيل تكوني تبع المجرمين .. إنتي لطيفة ومحترمة وعادلة ده إنتي هزقتي أختك قدامنا علشان غلطتت غلط صغير

إياس وهو يحرك يده أمام وجهه فادي : فااااادي

فادي بتوهان : ها إيه بتقول حاجة

إياس بضحك : أنا ليا ساعة بكلمك وإنته مش معايا خالص

فادي : لا كنت بفكر في حاجة سيبك إنته

مهند وهو يضع يده على كتف فاريهان : أنا حبيتك بجد إنتي حلوة جداً ولطيفه

فاريهان بهدوء ما قبل العاصفة : شيل إيدك من عليا

مهند : إيه يا مزة مالك بس إهدي عليا

وقفت فاريهان بغضب وكادت تمشي ولكنه أمسك بيدها

مهند : إستني بس إنتي زعلتي أنا بهزر معاكي

فاريهان : سيب إيدي

مهند : طيب إسمعيني الأول

قامت فاريهان بض*به قلم مما جعله يغضب ويضغط على يدها بقوة

مهند بغضب : إنتي إتجننتي إزاي تمدي إيدك عليا إنتي متعرفيش أنا مين وممكن أعمل فيكي إيه

نهض فادي وأمسك بيده وأبعد يد فاريهان عنه

فادي بغضب : لم صحابك يا إياس

فاريهان بغضب لمهند : أعلى ما في خيلك إركبه ومش أنا اللي بتتهدد.. وإن كنت أنا معرفش إنت مين .. فالسؤال الحقيقي هو أنا مين وأقدر أعمل إيه

وتركتهم وذهبت وذهب فادي إلى عمله متضايق

عند فاري كانت تمشي في الحديقة تحاول أن تهدأ لكي لا تذهب وتقتل ذلك المسمى بمهند ولكنها لا تستطيع ...وجدت زجاجة على الأرض فأمسكتها وضغطت عليها بقوة حتى نزفت يدها وهدأت قليلاً وذهبت إلى سيارتها ولفت الجرح بالشاش وذهبت لتلحق بمحاضرتها ولكنها وصلت متأخرة 3 دقائق

فاريهان : أنا أسفة يا دكتور ع التأخير

دكتور محمد بغضب إختفى بمجرد أن رأى عيونها : إنتي مين وكنتي فين إنتي مش عارفة إني مش بدخل حد بعدي

إياس : معلش يا دكتور أصلها أول مرة ليها

محمد : وهى مش عندها ل**ن تتكلم

فاريهان بغضب وهى تضغط على يدها حتى نزفت مجدداً : لا عندي .. أنا أسفة على التأخير ودي أول وأخر مرة يا دكتور

محمد : إتفضلي..لا إستني إسمك إيه علشان أسجله

فاريهان : فاريهان

محمد بإستغراب : إيه الإسم ده معناه إيه

فاريهان في نفسها : يوووه هو أي حد هشوفه هيسألني السؤال ده أنا هغير إسمي أحسن

فاريهان : ملكة الزهور بالتركي وملكة الحوريات بالفارسي

محمد بصوت منخفض : هو إنتي حوريه فعلاً

فاريهان : أفندم بتقول حاجة

محمد : أه إتفضلي أقعدي

ذهبت وجلست بجوار إياس وظلت تكتب خلف الدكتور كل كلمة يقولها وبعد أن إنتهت المحاضرة لمت أشياءها بسرعة ونزلت درجات المدرج وجاء إياس ليذهب خلفها ووجد دماء على الأرض

إياس بصوت عالي : إستني يا فاريهان

كان محمد يتحدث مع بعض الطلبه ولكنه توقف على صوت إياس وفاريهان أيضا وإلتفتت له

فاريهان : نعم عايز إيه

إياس بعد أن ذهب لها وأمسك يدها اليمين : إي اللي عورك كدا إنتي كنتي كويسة ...إيدك بتنزف لو مش حاسه

محمد وهو يتجه نحوهم : في إيه مال إيدك أنا لاحظتها لما دخلتي بس مكنتش بتنزف

فاريهان بإبتسامة باردة : شكراً لإهتمام حضراتكم أنا كويسة ... عن إذنكم

جاءت لتذهب ولكن إياس أمسك يدها

إياس : إستني هوصلك

فاريهان : معايا عربيتي سيبني

إياس : لا طبعاً مش هسيبك تسوقي وإنتي إيدك متعورة ده غير اللي عمله الزفت مهند معاكي

محمد : عمل إيه

إياس بإستغراب من إهتمام محمد : قل أدبه عليها وهددها

محمد بغضب : نعممم... لو عملك حاجة تاني تيجي تقوليلي فاهمه

فاريهان : لا مش فاهمه ... أنا أقدر أحمي نفسي بنفسي ... شكراً لحضرتك وعن إذنك يا إياس

إياس وهو يمسك يدها مجدداً : يووه قولت مش هسيبك تسوقي وإيدك متعورة... أنا خايف على الكلاب والقطط والفيران في الشارع لحسن تخبطيهم

فاري بضحك : قول إنك خايف على الفيران ... حاضر مش هسوق ..ثانية واحدة بس

أخرجت هاتفها وإتصلت بليان

ليان : الوو يا سكر

فاري : إنتي فين

ليان : أنا في الكافيه.. ليه

فاري :.....

بقلمي : أميرة الظلام (مروه كمال محمد)