عشقتك يا ملكتي

الفصل الثالث

ليان بتوتر : أنا مسمعتش ولا شوفت حاجة

فاريهان بضحك : خدي هنا يا بت أنا مش منبهه عليكم لما تلاقوني بشتغل على أوضكم على طول وطبعاً مفيش غير سيماء هى اللي دخلت أوضتها كالعادة ... نفسي أفهم الكلام ليه مش بيتسمع

أوزجي : إحنا أسفين يا فاري

فاريهان : على أوضكم يلا أنا مش عايزة أتعصب عليكم

أوزجي : حاضر يلا يا ليان

عند فادي جلسوا منتظرين وصول أي أحد ولكن دون جدوى فعادوا إلى المركز وإجتمعوا في غرفة الإجتماعات مع عبد الله

عبد الله : يعنب إيه مرحوش يعني المعلومات اللي وصلتنا كدب لا لا أكيد في حاجة غلط

مروان : نفس اللي بقوله يا باشا بس السؤال هو إيه الغلط

عبد الله : مفيش أي حاجة غلط حصلت غريبة مقابلتوش حد مثلاً كدا ولا كدا

أحمد : ممكن تكون البنت اللي قابلناها دي تبعهم مثلاً وخرمت الكاوتش علشان تعطلنا

عبد الله : بنت مين

جاسم : لا يا عم فاريهان دي بنت لطيفه جداً .. كان هيبان عليها .. إنت مشفتهاش إزاي خايفة هى وهناك وفرحت أول ما شاف*نا

عبد الله : ساكت ليه يا فادي

فادي : علشان مستحيل تكون تبعهم كنت هعرف عينيها بتقول إنها كانت بتقول الحقيقة ده غير إني أتاكدت من كلامها

جايم بغباء : إتاكدت إزاي يعني

فادي : قالت إنها رايحه إسكندرية وكانت ماشية بالGPS فلما دخلت العربية لقيته فعلاً مظبوط على طريق إسكندرية وغالبا أساسا الناس بتوه بسبب الجهاز ده يعني لو كانت بتكدب كنت هعرف ده غير لو هى عايزه تعطلنا ليه لما أنا بعتكم علشان منتعطلش ملقتوش حاجة أو حد أو كان ممكن تعمل أي حاجة علشان متخليكوش تمشوا ...لا في حاجة غلط بس مش البنت دي أكيد

عبد الله : طيب إتفضلوا دلوقتي وبكرا نشوف شغلنا ونستنى أي حد يبلغ عنهم تاني

بعد يومين عاد سليمان وفارس من السفر وحكت لهم ما حدث مما جعل فارس يغضب وكاد يض*بها ولكنها أوقفته عند حده وجلست مع والدها في مكتبه ليتكلموا

فاريهان : بابي ممكن أطلب منك طلب

سليمان : عايزه إي يا فاريهان

فاريهان : أنا إتسجلت في كلية الهندسة ونفسي أروح...ممكن

سليمان وهو يقف بغضب : إإإيه عملتي إيه ... إنتي إتجننتي يا هانم ومين هيمسك الشغل

فاريهان بهدوء وخبث : أنا بردو ... حضرتك الكلية هتبقى الصبح والشغل بالليل ومش هقصر في شغلي خالص بس بليز وافق يا بابي أنا قدمت في هندسة وإتقبلت علشان مجموعي كان عالي ولما أبقى مهندسة هبقى أفتح شركة هندسة علشان أغطي بيها شغلي وشركة السياحة بتاعت حضرتك يمسكها فارس وكدا نبقى كبرنا شغلنا ... ها إيه رائيك

سليمان بإبتسامة شر : حلو.. حلو أوي يعجبني تفكيرك يا بنتي .. موافق هتروحي من إمته

فاريهان : أنا مش حضرت محاضرات من أول السنة بس أنا عندي محاضرة بعد ساعتين هروح دلوقتي أتعرف على الأمور وبالمره أخلي بالي من إخواتي..يلا عن إذنك

إرتدت فاريهان جيبه تصل إلى ما قبل الركبه بقليل نبيتي وبدي كت أبيض ووضعت مسدسها في رباط في قدمها أسفل الجيبه وإرتدت شوذ أبيض وذهبت للجامعه وأثناء مشيها في الممرات إتصلت بها ليان

ليان : فاري سيماء عملت مشكلة مع ولد وهى دلوقتي في مكتب رئيس الجامعة وأتا واقفة وخايفة أصل الولد جاب أخوه وخايفة يعمل مشكلة والصراحة هى اللي غلطتت في الولد

فاريهان : طب إقفلي وأنا جايالك

ليان : طيب حاولي تيجي بسرعة ويارب الطريق يبقى فاضي ..سلام

ذهبت فاريهان إلى مكتب رئيس الجامعة وإنصدمت ليان بوصولها بسرعة هكذا.. ودخلت فاريهان لهم

فاريهان وهى تنظر لسيماء بغضب : سيماء أنا جيبت أخري من مشاكلك .. إشرحيلي عملتي إيه تاني

سيماء بإستغراب : إنتي إيه اللي جابك أصلا روحي أنا بعرف أحل مشاكلي بنفسي

إياس ( الشاب الذي تشاجرت معه سيماء ) : حضرتك تقريبلها... ياريت تعقليها أنا خبطت فيها بالغلط وعملتلي فرح

رئيس الجامعة لفاريهان : بس حضرتك تبقي مين

فاريهان : أنا فاريهان أخت سيماء وطالبة في سنة أولى في كلية هندسة

رئيس الجامعة : قولتي فاريهان.. هو إنتي الطالبة اللي جايبة 99٪ غريبة والله واحدة مهندسة والتانية مدرسة

سيماء بغضب : قصدك إيه

فاريهان : سيماء إتفضلي إطلعي بره ومش عايزه أعيد كلامي حسابنا في البيت

فاريهان بهدوء ما قبل العاصفة : طيب براحتك بعد إذن حضرتك يا دكتور

الرئيس : إتفضلي

كل هذا وفاريهان لم تلاحظ الشخص الواقف خلفها...إتصلت فاريهان بحرس سيماء الذين يقفون خارج الكلية

فاريهان : تعالوا على مكتب رئيس الجامعة

سيماء بشك : إتصلتي بمين

فاريهان : مش إنتي مش بتسمعي الكلام يبقى تتحملي العواقب وعلى فكرة مفيش خروج من البيت لمدة إسبوع غير الكلية

سيماء : لا طبعاً بابي رجع ومش هسمع كلامك تاني

فاريهان : as you like هنشوف هيسمع كلامي ولا كلامك

سيماء بضيق : أوووف خلاص طالعة

وجاءت لتخرج ولكنها صدمت بحرسها يدخلون

فاريهان : يلا يا شطورة روحي معاهم أه وبالمناسبة أنا خلاص بقيت في الكلية يعني عيني مش هتتشال من عليكي وأي غلط تعمليه هخليكي تندمي عليه طول عمرك

خرجت سيماء معهم بغضب ... وإلتفت فاريهان للدكتور

فاريهان : أنا أسفة يا دكتور نيابة عنها واللي تحب حضرتك تعمله أنا معاك فيه

رئيس الجامعة : خلاص هعديها المره دي علشانك وعلشان إنتي محترمه

إبتسمت فاريهان بسعادة ومدت يدها لإياس : أنا أسفة يا ...

إياس : إياس وهعديها علشان إنتي لطيفة ... أنا معاكي في كلية هندسة بس أنا عايد سنة أولى 3 مرات

فاريهان بإبتسامة حزن : وأنا المفروض أكون في رابعة بس كان في مشاكل مع بابا وكان رافض إني أدخل هندسة علشان كدا رفضت أدخل أي كلية تانية والسنة دي قدرت أقنعه الحمد لله عموماً إتشرفت بحضرتك.... عن إذنك يا دكتور وعن إذنك يا إياس

إياس : إستني بس أعرفك على أخويا اللي واقف وراكي دا

فاريهان بإبتسامة وهى تنظر خلفها لتسلم : أسفة مش شوفت حضر...

فادي : إزيك يا فاريهان

فاريهان بصدمة : ها

فادي : أنا فادي نسيتيني

فاريهان : أهلا يا فادي

.

.

.

يتبع

بقلمي : أميرة الظلام (مروه كمال محمد)