عشقتك يا ملكتي

الفصل الخامس

ليان : أنا في الكافيه.. ليه

فاريهان : طب كويس أنا هاخد حارس من بتوعك

ليان : خوديهم كلهم بس من إمته وإنتي بتحتاجي حراس

فاريهان : هفهمك بعدين يلا سلام

إتصلت بأحد الحراس

فاريهان : أنا خارجة الجنينة إبعتلي أي حارس يكون محترف سواقه

الحارس : حاضر يا توركان

أغلقت الخط ونظرت لإياس بإبتسامة

فاريهان : ها.. كدا تمام إخترت محترف سواقه علشان خاطر الفيران

إياس وهو ينكش شعره : ها ...يعني إنتي م**مة إني موصلكيش...ماشي يا فاري

فاريهان : خلاص متزعلش تعالى أعزمك على الغداء

جاءت لتذهب ولكن أوقفها رنين هاتفها

شادي : إي يا قمر أنا إتصلت أفكرك بالعزومه لحسن تنسي مش كفاية أجلتيها ليكي يومين.. متتأخريش عليا بقى

فاريهان بضيق : حاضر منستش فاكره

أغلقت الخط

إياس : إيه مالك

فاريهان : أسفة يا إياس أوعدك هتتغدا مع بعض بكرا بس أنا نسيت كنت معزومة على الغداء

إياس : خلاص مش مشكلة يلا هوصلك ل برا

ذهبت معه إلى الخارج ووجدت الخارس ينتظرها أمام سيارتها ..ركبت معه وذهبت إلى المطعم لتقابل شادي وبعد الغداء إتفقوا على تسليم الشحنة في المساء التي قامت فاريهان بتأجيلها أيضاً لأنها بقيت في ذلك اليوم تهتم بش*يقتها المتعبة وبعد الغداء ركبت السيارة وأثناء قيادة الحارس السيارة كاد يخبط طفل صغير

فاريهان بغضب وهى تنزل من السيارة : إنت غ*ي مش تخلي بالك

الحارس : أنا أسف يا توركان هانم

ذهبت إلى الطفل وجدته يبكي فنزلت لتصبح في مستواه

فاريهان برقة : أنا أسفة يا حبيبي أقدر أساعدك بأي طريقة

الطفل ببكاء : حايز ماما

فاريهان : طيب تعرف هى فين وأنا أود*ك ليها

الطفل ببكاء أكثر : عااا أنا حايز ماما

فاريهان : يوووه هو أنا ناقصة.. طيب يا حبيبي بطل عياط وأنا هود*ك ليها

الطفل وهو يمسح دموعه ببراءة : بجد

فاريهان : أيوة يا حبيبي يلا تعالى ... هوباا

حملته وركبت السيارة وإتجهت للقسم وفي داخل القسم وهى تنظر للطفل وتحدثه إصطدمت بجسد صلب ك الحديد

فاريهان : أنا أسفة

فادي بإبتسامة : أنا بحب حظي اللي بيخليني أشوفك كل شوية

فاريهان في نفسها : هتكرهه لما تعرف إني المجرمة اللي عايز تمسكها ومتعرفش

فاريهان بإبتسامة : ميرسي

فادي : إنتي بتعملي إيه هنا

فاريهان : الطفل ده كان تايه وبيدور على مامته فجبته هنا قولت إنكم أكيد هتساعدوه

فادي : أه أكيد... إنتي طيبة أوي على فكرة

فاريهان : شكراً هو إنته بتشتغل هنا

فادي : ها ..لا أنا بشتغل ظابط في مبنى المخابرات

فاريهان بتمثيل خوف : إيه يا مامي ..لا أنا كان مالي ومال المخابرات أنا بريئه خليني في حالي أحسن

فادي بضحك : إيه يا بنتي إهدي إنتي بتخافي من ظباط المخابرات

فاريهان في نفسها : أنا مبخفش من حد يا غبي

فاريهان : أكيد كل الناس بتخاف منهم مع إنك أول واحد أشوفه يبقى ظابط مخابرات

فاريهان في نفسها : إيه الكدب دا يا فاري

فادي : أمم طيب متخافيش أنا كيوت خالص حتى

فاريهان في نفسها : فوق ما تتخيل

تركت الطفل في القسم وأعطت رقمها لفادي لتطمئن على الطفل عندما يصلوا لأهله وعادت للمنزل وجدت والدها وفارس يجلسون في الصالة ينتظرونها

سليمان : كنتي فين إتأخرتي ليه

فاريهان بإستغراب : ومن إمته وإنت بتسألني كنتي فين

فارس بغضب وهو يتجه نحوها ويمسكها من ذراعها بقوة : مترودي بأدب يا بت كنتي فين

فاريهان بتبريق : حوش حوش الأدب يا واد بيخر منك... سيب إيدي أحسنلك يا فارس

سليمان : سيبها يا فارس

تركه وعاد ليجلس بغضب

فاريهان : عموماً أنا كنت معزومة على الغداء مع شادي..في حاجة

سليمان : طيب وإيه اللي عملتيه مع أختك في الكلية ده إزاي تهزقيها قدامهم

فاريهان بسخرية : أه قول إنها جات إشتكتلك... ماشي يا سيدي عموماً بنتك اللي غلطانه وكان ممكن تتفصل لو مرحتش أنا وأنقذتها أو بمعنى أصح هزقتها .. بنتك غلطت ولازم تتعاقب علشان متركررش غلطها تاني

سيماء وهى تنزل السلالم وتبكي بدموع مصتنعة : بس إنتي زودتيها خالص .. الولد هو اللي غلطان مش أنا

فاريهان بإبتسامة سخرية : الله على دموع التماسيح دي ... بت إنتي فاكرة إن الشويتين دول هيدخلوا عليا ...الولد خبطك بالغلط ولسه هيعتذر قومتي إنتي نازله فيه شتايم على قلة أدب يعني كون إنه إحترم إنك بنت وممدش إيده عليكي ده كويس جداً ولا كلامي غلط... تقدر تسأل ليان يا بابي

نظرت سيماء لها بغضب وصعدت لغرفتها

فاريهان بصوت عالي : هربتي ليه مش كلامي غلط وإنتي بريئة

سليمان : خلاص إطلعي إنتي شوفي هتعملي إيه

فاريهان : أنا هغير هدومي علشان موعد إستلام الصفقة بعد شوية

فارس : صفقة إيه...... لا الصفقة دي أنا اللي هستلمها

سليمان : لا لازم فاريهان هى اللي تستلمها .. يلا روحي غيري هدومك إنتي

فاريهان في نفسها وهى تصعد السلالم : أوووف صدقوني هندمكم إنكم شغلتوني في الق*ف ده

غيرت فاريهان ملابسها وإنتظرت بضع ساعات ثم إنتقلت لمكان إستيلام البضاعة

فاريهان : البضاعة

شادي : متصبري علينا يا قمر... سلمي الأول مش داخله على جول البضاعة

فاريهان بغضب : البضاعة يا شادي أحسنلك

شادي : يووه هاتوا البضاعة يا رجاله

أحضرزا البضاعة وتفحصتها فاريهان لتتأكد من كونها سليمة وأعطته النقود وتم تحميل البضاعة وإنطلق رجالها بالبضاعة ولم يتبقى غير فاريهان ومنير وثلاث رجال لها وقبل أن تذهب رأت سيارات قادمة من الإتجاه الأخر

فاري : مين دول

شادي : ....

بقلمي :أميرة الظلام (مروه كمال محمد)