عشقتك يا ملكتي

الفصل السابع

فادي : طيب خلاص أنا عندي فكرة إيه رأيك تتغدي عندنا النهاردة وبالمرة تتعرفي على مامتنا وكدا تكوني إتغديتي مع إياس ومعايا...ها

فاريهان بتفكير : طيب ماشي إبعتلي اللوكيشن

فادي : طيب سلام

عند فادي في غرفة الإجتماعات

عبد الله : وصلنا خبر إن الصفقة تمت إمبارح في نفس المكان

فادي بغضب : أنا مش فاهم الجاسوس بتاعنا... ده فاشل في كل حاجة... جاي يقولنا عن الحاجة بعد ما بتتم

أحمد : إهدى يا فادي مهو الجاسوس بتاعنا لسه جديد هناك فأكيد مش هيعرفوه بكل حاجة مش كفاية الجاسوس اللي إتقتل

فادي : طيب مين دراعه اليمين.. أنا متأكد إنه مش إبنه الكبير .. ممكن يكون حد من رجالته

مروان : إحنا وصلنا خبر قبل ما يموت مسعد إن منير ده الكل في الكل هناك ممكن يكون هو أصله هو اللي مربيه

عبد الله : كلو يروح يشوف شغله دلوقتي لحد ما توصلنا معلومات من سعيد اللي بيشتغل عند اللي إسمه شادي ده كمان

ذهب الجميع وإتجه فادي لمنزله ووجد فاريهان تجلس مع والدته ثريا وإياس

فادي : السلام عليكم

الجميع : وعليكم السلام ورحمة الله وبركاته

ثريا : يلا أنا قايمة أحط الأكل تعالى يا إياس ساعدني

فاريهان : ممكن أساعدك

ثريا بإبتسامة : تسلميلي يا حبيبتي إياس هيساعدني

دخلت ثريا وإياس المطبخ وجلس فادي بجوار فاريهان

فادي : إزيك

فاريهان : مالك باين عليك متضايق من حاجة

فادي : مشاكل في الشغل متشغليش بالك

فاريهان : أنا أسفة لو كنت بتدخل في اللي مليش فيه

فادي : لا لا أبداً دي مشاكل عادية ... في تاجر م**رات كبير مش قادرين نمسكه متلبس أو نعرف مين دراعه اليمين كل اللي نعرفه إن الشخص دا محترف ومش بيسيب شعره وراه

فاريهان في نفسها : ميرسي بجد على المدح أنا مش مصدقة إنك بتمدحني وأنا قدامك وإنت مش عارف

فاريهان بتلميح : وهو الشخص ده يبقى مين يعني متعرفوش حتى إسمه ممكن يكون ولد أو بنت ..راجل أو ست

فادي بتفكير : تصدقي فكره ممكن يكون بنت فعلاً بس لا مش ممكن تكون بنت ده حد ذكي جداً

فاريهان بضيق واضح : قصدك إيه بدا..حد ذكي جداً ...قصدك إن البنات أغ*ية

فادي بضحك : ها لا يا قلبي مش كدا بس يعني الشغل ده صعب إنتي مش هتفهمي قصدي.. أنا عمري ما شوفت تاجر م**رات ست

فاريهان ب**وف : إنت قولت قلبي

فادي بتوتر : ها... أه قولتها على صياغة الكلام

فاريهان في نفسها : فاري إيه اللي بتفكري فيه ده.. مينفعش تحبيه ده ظابط وإنتي مجرمة عمرك شوفتي ثنائي كدا .. بطلي غباء ده لو عرف حقيقتك هيقتلك

بعد قليل وأثناء تناولهم الطعام رن هاتف إياس

إياس : أيوة يا مصطفى

مصطفى :......

إياس بصدمة : إيه إزاي!!!؟

مصطفى :.....

إياس : طب هو مقالش مين اللي عمل فيه كدا

مصطفى : .....

إياس : طيب سلام

فادي : إيه فيه

إياس : مهند صاحبنا في المستشفى مت**ر

فاريهان بخوف وحزن مصتنع : إيه مهند صاحبنا

إياس : أيوة هو

فادي : مش ده نفس الواد اللي ضايقك يا فاريهان

فاريهان : أيوة هو... إياس ممكن أجي أزوره معاك

إياس : إنتي متأكدة

فاريهان : أيوة طبعا ده مهما كان زميلي في الجامعه وحرام أفرح فيه .. ده غير إن زيارة المريض واجب

فادي : أنا عن نفسي فرحان فيه بعد اللي عمله معاكي

فاريهان : لا حرام يا فادي

ثريا : والله إنتي طيبة أوي يا بنتي ربنا يخليكي لأهلك

فاريهان بحزن : شكراً يا طنط

ذهبت فاريهان إلى المستشفى مع إياس وعندما دخلت إلى غرفة مهند وجدت أهله وأصدقائه وشرطي يحاول أن يعرف ماذا حدث ولكن مهند يرفض التكلم وبمجرد رؤيته لفاريهان خاف أكثر

فاريهان بحزن : ألف سلامة عليك يا مهند.. مين اللي عمل فيك كدا

إياس : ألف سلامة عليك شايف اللي المفروض تفرح بتعبك جايه تزورك بنفسها

فاريهان : متقولش كدا يا إياس إحنا مهما كان نبقى أصحاب ولا إيه يا مهند

مهند : أه أه أكيد

الشرطي : طيب مش ناوي تقول مين اللي عمل فيك كدا وفي أصحابك

مهند : معرفهمش دول كانوا 10 لا لا 15

إياس : كل ده عليكم ده إنتوا إتبهدلتوا خالص

إبتسمت فاريهان في داخلها : 15 كل دا علشان تبان راجل وميعرفوش إن اللي عمل فيكوا كدا بنت واحدة

خرج الجميع من الغرفة وطلبت فاريهان أن تبقى قليلاً لتتحدث معه

فاريهان بإبتسامة سخرية : 15 يا مفتري قول إنك كنت عايز تسترجل على بنت إنت وأصحابك والبنت دي في ثواني خلصت عليكم

مهند بضيق : عايزه إيه... إيه اللي جابك جايه تشمتي مش كفاية إني مش قولتلهم عنك

فاريهان وهى تقرب وجهها من وجهه : قولهم كدا ووريني مين هيصدقك ولو صدقوك فإنت اللي غلطان وجاي تض*بني وأنا دافعت عن نفسي مش أكتر... سلام يا نونه

خرجت من عنده وتركته يغلي من الغيظ وعادت لمنزلها وإرتدت فستان لأجل حفله وذهبت مع والدها وأخوها وقام والدها بتعرفيها على جميع الرجال هناك وقابلت أمير الذي كان يغلي ويريد قتلها... كانت ترتدي فستان أ**د ضيق وقصير جداً وكانت عامله شعرها تسريحه شرسه مثلها

وأثناء جلوسها مع والدها إقترب شادي منها

شادي بإبتسامة : ممكن القمر تسمحلي برقصة

نظرت له بغضب

سليمان : روحي معاه يا حبيبتي

ذهبا معه إلى ساحة الرقص على مضض وبدأت الرقص معه وهى تتمنى أن تقتله

شادي : بحبك

فاريهان : نعم أفندم عيد تاني مسمعتش

شادي : هههه بحبك يا قمر

فاريهان : شادي لو ملمتش نفسك أنا هلمك فاااهم

شادي وهو يهز رأسه بلا : لا مش فاهم أنا طلبت إيدك من أبوكي وهو وافق

فاريهان :نعم

بقلمي : أميرة الظلام (مروه كمال محمد)