الفصل 17

1392 Words

فادي : أنا أنا أسف يا نھی بس أنا أعصابي مش مضبوطة اليومين دول نهی وهى تمسح دموعها : بس أنا ذنبي إيه أنا كان نفسي زي كل البنات يبقى عندي زوج بيحبني وأحبه وأجيب منه أطفال يملوا حياتنا فادي بحزن : أنا عارف إنه مش ذنبك بس إديني فرصة يومين وأنا أهتم بيكي وأعاملك كزوجة بجد نهی بفرحة : طب ممكن على الأقل تنام جنبي عايزة أنام في حضنك جلس فادي بجانبها ونامت في حضنه ونام هو أيضا وضميره يأنبه أحيانا يقول له أنه ملك لفاريهان وأحيانا آخرى يقول له أنه ملك لنهی في غرفة ليان تجلس وتتحدث في الهاتف ليان بدموع : عمر أنا محتجالك عمر : حاضر يا حبيبتي بكرا الصبح هاجي وأفضل معاكي تمام كدا ليان ببكاء : ماشي عمر : ممكن بقى تبطلى عياط وتنامي هى دي أول مرة تسافر وتبعد عنكم ليان : لا بس كانت دايما بتقولنا وكنت بكلمها في الفون كل شويه عمر : مش يمكن تكون ضيعت شنطتها والفون فاصل شحن ومش معاها فلوس تشحنه ليان : مش عارفة عمر : حبيبتي خليكي عارفة ومتاكدة إني بحبك وهفضل واقف جنبك لحد آخر نفس فيا ليان : وأنا كمان بحبك بعد مرور إسبوع من إختفاء فاريهان كانت تجلس مع عائلة حمزة " عائلة حمزة " رأفت : والد حمزة رجل طيب القلب ولكنه قوي بعض الشيء وكلِمتُه مسموعه سليمة : والدة حمزة سيدة لطيفة وطيبة ورقيقة وتحب أبناءها وأحفادها كثيراً حسن : عمره 35 سنة أخو حمزة الأكبر شاب قوي وجميل ويعشق زوجته سارة وأولاده سندس وسيلا سارة : عمرها ۳۲ سنه مدلله بعض الشيء وترتدي ملابسها على الموضه دائماً سیلا : عمرها 6 سنوات فتاة جميلة ولطيفة ع** والدتها سندس : عمرها 3 سنين نسخه مصغرة عن والدتها حمزة : عمرہ ۳۰ سنة شاب عصبي ويكره كل الفتيات ويعاملهم بقسوة ولكن فاريهان لا يستطيع أن يفعل ذلك معها ولكنه لا يعلم السبب عندما يكون معها يكون كالملاك مما جعل عائلته تستغرب ذلك ... يملك جسد رياضي وعيون بني غامق ويجذب كل الفتيات بجماله رن هاتف حمزة فأجاب وكان متعصب جدا ويتكلم بصوت مرتفع وبعد أن أغلق الخط فاريهان بتوتر : إنت كويس ...أنا عمري ما شوفتك عصبي کدا حسن بسخرية : مهو إنتي محظوظة .. الوحيدة اللي مش بيتعصب عليها معرفش ليه حمزة بغضب : ممكن تخرس خالص إنته فاريهان بخوف وهى تنهض من جانبه : أنا أسفه لو كنت بتدخل في اللي مليش فيه عن إذنكم أمسك يدها ليمنعها من الذهاب مما جعل الكثير من الصور تظهر أمامها فاريهان بغضب : سيب إيدي أحسنلك حمزة بإستغراب من تغيرها : فاريهان إهدي إنتي ليه متعصبه أوي کدا فاریهان بهدوء وتوهان : ها ... أنا أسفه بس إنته لما مسكت إيدي كدا إفتكرت حاجات لما كان أي حد يمسك إيدي كدا كنت برد عليه بنفس الرد ده وكان الشخص بيسبها فعلا وقتها حمزة بإبتسامة : يعني كانت شخصيتك قويه بقى فاريهان : مش عارفة ممكن.. قولي بقى مالك كنت متعصب ليه من شویه حمزة بهدوء : مفيش شوية مشاكل في الشغل مش تشغلي بالك فاريهان بإبتسامة : أنا عندي فضول أنا كنت بشتغل إیه حمزة : تصدقي وأنا كمان فاريهان : موصلكش أي خبر عن حد مفقود من الشرطه حمزة بتنهيدة : لا كلهم أشخاص مش معروفين يعني إبتسام .. سلوى... توركان فاريهان : أممم طيب عن إذنكم أنا طالعه أقعد في أوضتي ذهبت فاريهان إلى غرفتها ولكنها نسيت هاتفها الجديد بالأسفل فجاءت لتنزل السلم وتحضره ولكنها توقفت بعد إستماعها كلامهم رأفت : وبعدين يا حمزة البنت دي هتفضل قاعدة هنا لأمتى حمزة : يعني إيه لأمته وإيه المشكلة هو البيت صغير ومفهوش مكان ليها يعني سارة بغيظ: لا بس هتفضل قاعدة هنا بصفتها إيه تأكل وتشرب وبس وإحنا لا عارفين أي حاجة عنها ولا عن أصلها وفصلها حمزة بغضب : ملكيش دعوة إنتي.... فاريهان هتفضل هنا طول م أنا هنا ودا أخر كلامي سلیمه : طب ممكن على الأقل تخطبها يابني حمزة: أنا مش عايزها ترتبط بيا وهى مجبرة ـو معندهاش حل تاني حسن : يعني إنت بتحبها بقى... توقعت کدا حمزة : أحبها مش أحبها دا شيء يخصني أنا مش إنت عادت فاريهان لغرفتها تبكي وصعد حمزة ليجلس معها قليلاً قبل ذهابه للعمل فوجدها تبكي بشده وإتجه نحوها حمزة بقلق : فاريهان إنتي بتبكي ليه فاريهان وهى تمسح دموعها بسرعة : ها مفيش دي حاجة دخلت عنيا بس حمزة وهو يجلس بجانبها : ممكن متخبيش عليا فاريهان : هو إنته ينفع تلاقيلي شغل وشقة للإيجار حمزة بإستغراب : ودا ليه بقى فاريهان : مش هينفع أفضل هنا أكتر أنا أسفة إني تقلت عليكوا حمزة وهو يضغط على أسنانه بغضب : إنتي سمعتي کلامنا من شويه صح فاريهان : أه بس أنا أسفه مكنتش أقصد أسمعكوا أنا كنت رایحه أجيب تليفوني وسمعتكوا حمزة بهدوء : أنا هعرض عليكي حاجتين وإختاري أي واحده وأنا موافق ومش هعترض تتجوزيني ولا تفضلي عايشه معايا لحد ما تفتكري إنتي مين وبعدها تقرري إن كنتي هتوافقي أو لا فاريهان : مظنش إني مهمه عند حد ...أنا لو كنت مهمه عند حد کان هيدور عليا حمزة : يعني إي فاريهان : يعني أنا موافقة أتجوزك بس بشرط تعمل خطوبه الأول علشان أتعرف عليك أكتر وإنته كمان حمزة بإبتسامة : وأنا موافق یاستي يلا عن إذنك أروح أتفق مع بابا وأروح شغلي فاريهان وهي تفرك يديها : هو أنا يعني... هو ينفع اني.... حمزة : قولي اللي عايزاه من غير لف ودوران فاريهان : ينفع أجي الشركة معاك علشان أنا بمل في البيت حمزة بإبتسامة : قولي كدا من الأول... ماشي إجهزي لحد ما أروح وأكلم بابا فاريهان : شكرا حمزة : مش هرد عليكي فاریهان بإبتسامة : ليه حمزة : علشان إنتي بتشكريني على حاجة هتفرحني أنا أكتر منك فاريهان بخجل : احم إيه يلا إمشي عايزة البس حمزة بضحك وهو يغمز : خليني قاعد أحسن فاريهان وهى تدفعه إلى الخارج : إطلع بره ضحك حمزة وخرج من الغرفة وتحدث مع والده وإتفقوا على أن تتم الخطوبة بعد إسبوع في أحد الفنادق... وإرتدت فاريهان بنطال جينز أ**د وبدي كت أحمر فاتح وجاكيت أ**د وذهبوا إلى الشركة وبمجرد دخلوهم الشركة نظر لهم الجميع بصدمة وأسأله تظهر في عقولهم من هذه ؟ وكيف أنهم ثنائي متطابق ...نظرة الثقة في عيونهم والكثير من الاسئلة الآخرى رائد (سكرتير حمزة) وهو يمشي بجانبهم: أستاذ حمزة الأوراق كلها جاهزة والإجتماع أنا ثبتت موعده بعد نص ساعة حمزة : تمام شوف الهانم تشرب إيه وأنا هاتلي قهوة سادة رائد: تحبي تشربي إيه يا هانم فاريهان : 1. إسمي فاريهان مش هانم 2. في إسبريسو رائد : أكيد يا هانم فاريهان : معلومة مهمه عني مش بحب أكرر كلامي كتير..إسمي إيه؟ رائد : أمم حاضر یا فاریهان هانم نظرت له بغضب فاريهان : ممکن یا حمزة تسبقني على مكتبك حمزة بإبتسامة : متتأخريش عليا فاريهان : حاضر يلا هش من هنا حمزة بضحك : بتقوليلي هش قدام سکرتیري فاريهان بثقة : أه وإيه فيها يعني هش بقى حمزة بضحك : لما تيجيلي المكتب هنتحاسب في موضوع هش بعد ذهاب حمزة إلى المكتب نظرت إلى رائد فاريهان بهدوء ما قبل العاصفة : بص يا.. رائد : رائد فاريهان : تمام بص يا رائد أنا مش عايزة أتعصب عليك أنا أكتر حاجه بكرهها إني أكرر کلامي... کلمة هانم دي مش عايزة أسمعها فهمت ولا رائد : مفيش ولا بس حضرتك تبقي مین معلش فاريهان : دا بقي موضوع حمزة هيقولكم عليه عن إذنك تركته وذهبت ودخلت إلى المكتب الذي دخله حمزة حمزة : هاتي الكرسي دا وتعالي جنبي فاری: أوكية سحبت کرسي وجلست بجواره حمزة بجدية : أنا بتقوليلي هش قدام الموظف بتاعي فاري بإبتسامة ودلع : وإيه فيها هو أنا أي حد لا وأي حد حمزة بحب وهو يقرب وجهه من وجهها : لا الصراحه إنتي مش أي حد إنتي اللي قدرتي توقعيني في شباك حبك خبط أحدهم المكتب ودخل أسامة : حمزة بقولك إي أنا عايزك توقعلي على ال... حمزة : كمل أوقع على إيه أسامة بإنبهار وهو ينظر لفاريهان : وأنا أقول ليه الشركة منوره أتاري في صاروخ هنا حمزة بغضب وهو يقف ويض*ب المكتب بقبضة يده : أسامه إحترم نفسك فاريهان بضيق : تحب أوريك الصاروخ يقدر يعمل إي فيك ولا أخليه يض*ب في وشك حمزة بصدمة : إيه!!! فاریهان : دقيقة يا حمزة إتجهت نحو أسامه ووقفت أمامه ومدت يدها لتسلم عليه وأمسك يدها ليسلم ولكنها ضغطت بقوة على يده حتى أنها كادت ت**رها أسامه بآلم : أي أي إيدي هو أنا بسلم على راجل فاريهان بإبتسامة ثقة : أنا مش راجل أنا أقوى من الرجالة يا باشا تركت يده وعادت ل مقعدها وإبتسم حمزة بفرحه أسامه : مين دي!!؟؟ حمزة : أعرفك بفاريهان سبق وحكتلك عنها أصلاً أسامة بخوف مصتنع وضحك : يا بني إنت عمرك ما قولت إنها قوية كدا حمزة : حسابي معاك بعدين بقلمي : أميرة الظلام (مروه كمال محمد)

Free reading for new users

Scan code to download app

App Store Google Play

Facebookexpand_more