عشقتك يا ملكتي

الفصل الأول

يدخل رجال أقوياء ومعهم شخص مغطى الوجه ومربط

منير ( قائد الرجال ): توركان شوفي هتعملي فيه إيه

فاريهان ( توركان ): شيلو الغطاء من على وشه

الرجل بعد أن أزالوا الغطاء من عليه : فاريهان هانم أرجوكي سبيني أمشي أنا مش هقول لحد حاجة وهختفي خالص

فاريهان بغضب وهى تض*به قلم : اللي زيك يقولولي توركان فااااااهم

الرجل بتوتر : ااا أنا أسف يا توركان هانم

فاريهان : روقوه يا رجاله ولو فكر يهرب تاني أقتلوه

منير : سمعتوها يلا

أخذ الرجال الرجل وجلست فاريهان

فاريهان : أنا اللي هروح وأستلم البضاعة الجديدة

منير : بس دا خطر عليكي يا فاريهان

فاريهان : متخفش بس الصفقة دي مهمه جداً وبما إن بابا وفارس مش موجودين فأنا لازم أتأكد إن كل شيء تمام

منير : هما هيرجعوا إمته صحيح

فاريهان : ملكش دعوة يلا روح شوف شغلك

منير بضيق وغضب مكتوم : حاضر

ذهب منير ونزلت أوزجي التي رأت وسمعت كل شيء

أوزجي بتوتر وخوف من ش*يقتها : فاريهان هو إنتى هتعملي إيه في الراجل اللي كان هنا من شوية هتعذبيه صح

فاريهان بغضب وصراخ : أوزجي ميت مرة أقولك بطلي تتنصتي عليا... على أوضتك يلا

أوزجي : أنا أسفة واللهِ سمعتكم بالغلط

فاريهان : ماشي إنتي رايحه فين كدا

أوزجي : الكلية

فاريهان بحزن : ها طيب يلا علشان متتأخريش

أوزجي وهى تحضن ش*يقتها : أنا أسفة نسيت ... فاري إنتي تقدري تكملي كليتك ليه مش بتكملي

فاريهان : ومين اللي هيمسك الشغل في غياب بابا وفارس

أوزجي : إنتي طيبة يا فاري ليه بتخبي طيبتك دي

فاريهان : علشان مينفعش أكون طيبة ويلا على الكلية بتاعتك

ذهبت أوزجي إلى كليتها وبعد بضعة ساعات عادت أوزجي وليان وسيماء وجلسوا مع فاريهان ليتناولوا الطعام

ليان بإبتسامة : فوفو

فاريهان بإبتسامة سخرية : قولي عايزة إيه

ليان بضحك : ها مين قال إني عايزه حاجة ... إنتي قولتي يا أوزجي طب إنتي يا سيماء

سيماء بلا مبالاة : فريهان أنا خارجه مع صحابي شويه وممكن أتأخر النهاردة

ليان بسرعة : وأنا بردو

فريهان : ماشي بس الحراس هيروحوا معاكم ومفيش إعتراض

ليان بفرحة وهى تقبلها نن خدها : حبيبة قلبي أنا طالعه أجهز بسرعة

سيماء وهى تنهض : أياً يكن

فاريهان : أوزجي روحي مع ليان لو عايزه .. إنتي ليكي بدري مش خرجتي

أوزجي : طيب وإنتي هتقعدي وحدك يعني

فاريهان : لا أنا عندي شغل وهكون بستعد علشان كدا روحي معاها بدل ما تقعدي لوحدك

أوزجي : طيب بس خلي بالك من نفسك

فاريهان : حاضر يا حبيبتي وإنتي كمان وخلي بالك من المجنونة ليان

" عائلة الصقر "

سليمان ( الأب ) : أكبر تاجر م**رات في مصر ..ضخم وعصبي ويكره الإهمال.. يعيش مع أبناءه ال6 متزوج إثنتين والإثنتين ماتوا

فارس : عمره 26 سنة الإبن الأكبر والولد الوحيد لسليمان عصبي أكثر من والده ويكره فاريهان ويغار منها بسبب حب والده الشديد لها.. يملك جسد قوي ورياضي يجذب كل البنات

فاريهان : عمرها 22 سنة طيبة من جوا بس الظروف اللي هى فيها خلتها قويه وقاسيه مع كل الناس.. جميلة جداً شعرها بني فاتح يميل للأشقر ناعم جداً وقصير كاريه وتملك عيون رماديه وبشره بيضاء صافيه كالحليب

سيماء : عمرها 21 سنة فتاة مدللة و جميلة تملك عيون عسليه تحب كل شيء عن صيحات الموضة ولا يفرق معها أحد نهائياً في كلية تربية السنة الثالثة

أوزجي : عمرها 20 سنة فتاة ودودة ولطيفه .. تحب الجميع وتكره عمل والدها كثيراً ... جميله جداً تملك عيون زرقاء وصافيه كالبحر .. في كلية إعلام

ليان : عمرها 20 سنة فتاة لطيفه ، مرحه ودائما تضحك وجميلة تملك بشره قمحيه وعيون بنيه في كلية فنون

فاريهان وفارس وأوزجي أخوات من الزوجه الأولى أما ليان وسيماء أخوات من الزوجة الثانية

" في مكان آخر تحديداً مبنى المخابرات المصرية "

يجلس مجموعة ظباط في غرفة الإجتماعات يشاهدون مجموعة صور ويستمعون إلى قائدهم

القائد عبد الله : دلوقتي دي كل المعلومات اللي عندنا ... موعد تسليم الشحنه النهاردة بالليل الساعة 1 بالظبط وصلنا إن دراع سليمان اليمين هو اللي هيستلم وتقريبا إبنه

جاسم : طيب إسمه إيه الإبن ده أنا سمعت إن إبنه الكبير مسافر معاه وعلى حسب ما أعتقد معندوش ولاد تاني

أحمد : مهو مش هو بيجيب رجاله ويشغلهم عنده ممكن يكون حد منهم مثلا

ًفادي بتفكير : بس الصفقه دي كبيرة يعني أكيد مش هيديها لأي حد من رجالته يخلصها

مروان : أيوة طيب هنعرف إزاي دلوقتي

عبد الله : مش مهم مين دلوقتي المهم إنكم تمنعوا تسليم البضاعة دي بأي طريقة وتقبضوا على أكبر عدد منهم علشان نقدر نستجيبهم

الأربعة : تمام يا فندم

عبد الله : تقدروا تتفضلوا دلوقتي

قام الجميع ليخرج

عبد الله : إستنى إنت يا فادي عايزك

فادي : نعم يا باشا

عبد الله : أنا عارف إنك أذكى واحد فيهم خلي بالك منهم علشان ممكن يكون كل دا كمين لينا

فادي : متقلقش يا باشا

عبد الله بإبتسامة : تقدر تتفضل علشان تلحق تجهز

فادي : عمره 29 سنة مز مز زي ما بيقولوا يملك جسد رياضي وعيون سوداء كالليل

الساعة 12:20 تجلس فاريهان في سيارتها تقودها إلى مكان تسليم البضاعه خيث ينتظرها رجالها والرجل الذي سيبيعهم البضاعه ورجاله ... وأثناء إتجاهها إلى هناك رأت ثلاث سيارات جيب أمامها وخلفهم سيارة كبيرة فقامت بسباق سياراتهم

فاريهان بغضب وهى تتصل بمنير : الوو يا زفت خد الرجاله وإمشوا بسرعة من هناك

منير : طيب ليه لو إنتي مش هتقدري تيجي .. أستلمها أنا

فاريهان : في عربيات ورايا وإحتمال تكوم شرطة يلا إمشوا من هناك بسرعة وقولوا لشادي باشا بردو يلا أنا هحاول أعطلهم بأي طريقة

.

.

.

يتبع

بقلمي : أميرة الظلام(مروة كمال)