“AKALA KO BA, ako ang pupunta sa salon? Eh, anong ginagawa nila dito? Ang aga pa, jusko! May ginagawa pa nga ako dito.”
“Siyempre, para hindi ka na makaayaw. Baka bigla mo akong indiyanin. Don’t me. Baka maulit lang ang dati. Hmp. Kaya dinala ko na ang salon sa bahay mo. Hindi kita maasikaso matatawagan mamaya para sa update kung pupunta ka ba, kaya sila na ang pinapunta ko.”
“Nakakahiya, Mandy, kung alam mo lang!”
“Sus, mababait ‘yan. Subukan lang nilang mag-inarte, tanggal agad sila sa trabaho.”
Napangiwi siya sa narinig mula sa kaibigan.
“Sabi ko nga, mababait sila. O siya, maliligo muna ako.”
“Okay. See you later!”
Napailing na binalik niya ang telepono sa itaas ng drawer. Sigurista talaga si Mandy. Actually, kagabi pa niya iniisip kung hindi na lang kaya siya pumunta. Ito lang
